អ៊ុយក្រែន៖ លោក Bogdan Senchukov ជាជនជាតិអ៊ុយក្រែន មានបំណងចង់បំបែកកំណត់ត្រាពិភពលោក តាមរយៈការបង្កើតបណ្តុំឧបករណ៍តន្រ្តីធំជាងគេបំផុតចេញពីឈើគូស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សឧបករណ៍ដែលមានទំហំប៉ុនៗគ្នាចំនួន ១៥ របស់គាត់រួមមានហ្គីតាពីរ, អគ័រដេអុង, វីយូឡុងនិងស្គរ ត្រូវបានលេងដោយក្រុមតន្រ្តីករតែមួយគត់នៅអ៊ុយក្រែន ដែលគេឲ្យឈ្មោះថា “ក្រុមតន្ត្រីឈើគូស” ។
ចំណង់ចំណូលចិត្តរបស់លោក Senchukov គឺការបង្កើតរបស់របរធ្វើដោយដៃ ដោយគាត់បានបង្កើតវាឡើងវិញយ៉ាងលម្អិតរាប់បញ្ចូលទាំងការបង្កើតធុងហ្គេមកុំព្យូទ័រពិភពលោក និងអគារតូច Eiffel Tower ប៉ុន្តែចំណង់ចំណូលចិត្តពិតប្រាកដរបស់គាត់គឺឧបករណ៍ភ្លេង។
លោក Senchukov បាននិយាយថា“ ពេលឧបករណ៍ភ្លេងអាចលេងបាន ខ្ញុំមិនអាចរកពាក្យអ្វីដើម្បីបង្ហាញពីអារម្មណ៍របស់ខ្ញុំទេ នៅពេលដែលវត្ថុធ្វើពីបន្ទះឈើតូចៗទាំងនេះអាចឭសំឡេងពីរោះដូចឧបករណ៍ភ្លេងធម្មតា” ។
គាត់បានបន្តទៀតថា “ខ្ញុំបានចំណាយពេល៦ខែនិងប្រើឈើគូសជាង២,៧០០ ដើម្បីបង្កើតឧបករណ៍តន្រ្តីបាសមួយ ដែលឥឡូវនេះខ្ញុំបានលេងវានៅក្នុងក្រុមតន្រ្តី”។
គាត់បានបន្ថែមថា ផ្នែកដែលពិបាកបំផុតនៃការងាររបស់គាត់គឺនៅពេលដែលរបស់មួយចំនួនត្រូវការធ្វើជាង ១០ម៉ោង។ ឧទាហរណ៍ខ្សែវីយូឡុងឬហ្គីតា ត្រូវតែផលិតឲ្យដូចគ្នាហើយត្រូវគ្នា បើមិនដូច្នេះទេវានឹងបាត់បង់ភាពស្រស់ស្អាត។
ការចំណាយពេលផ្សេងទៀតគឺការសំអាតក្បាលឈើគូស ប៉ុន្តែដោយសារសិល្បៈនិងការខិតខំប្រឹងប្រែងរបស់លោក Senchukov ទើបជួយឲ្យគាត់ធ្វើវាបានដោយជោគជ័យ ហើយបច្ចុប្បន្ននេះមានរោងចក្រអ៊ុយក្រែនមួយ បានផ្តល់ឱ្យគាត់នូវឈើប្រណីតសំរាប់ការធ្វើឧបករណ៍ភ្លេងផងដែរ។
អ្នកកាន់កំណត់ត្រាជាតិចំនួន ៣ គឺលោក Senchukov កំពុងប្រមូលឯកសារដើម្បីធ្វើការបញ្ជាក់ដល់កំណត់ត្រាពិភពលោកថា គាត់មានឧបករណ៍ភ្លេងធំជាងគេធ្វើពីឈើគូស៕