អង់គ្លេស៖ កាលពីថ្ងៃទី០៤ ខែធ្នូ ឆ្នាំ២០១៩កន្លងទៅនេះ ស្ត្រីម្នាក់បានលួចយកខោអាវដាក់ចូលទៅក្នុងកាបូប និងសំពត់ ហើយព្យាយាមរត់គេច។ ហេតុការណ៍នេះបានកើតឡើងនៅហាងលក់ខោអាវមួយកន្លែង ស្ថិតនៅលើផ្លូវ Strood Retail Park ក្នុងប្រទេសអង់គ្លេស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សវីដេអូឃ្លីបមួយត្រូវបានថតឡើងដោយយុវជន Billy Tivey អាយុ២០ឆ្នាំ បង្ហាញឲ្យឃើញថា ស្ត្រីម្នាក់កំពុងយកខោអាវដែលខ្លួនបានលួចចេញពីក្នុងកាបូប និងនៅក្នុងសំពត់ម្ដងមួយៗ បោះទៅលើដី។ បន្ទាប់ពីប្រគល់ខោអាវទៅឲ្យបុគ្គលិកក្នុងហាងវិញរួច នាងក៏ដើរចេញទៅបាត់ដោយនិយាយថា៖
«ខ្ញុំប្រគល់ខោអាវឲ្យទៅវិញអស់ហើយ ខ្ញុំមិនខ្វល់ទៀតទេ។»
យុវជន Trivey បាននិយាយប្រាប់សារព័ត៌មានថា៖
«ពេលនោះ ខ្ញុំកំពុងចតឡាន ហើយបម្រុងនឹងដើរទៅអាហាដ្ឋាន ក៏បានឃើញស្ត្រីបីនាក់ ត្រូវគេដេញតាមពីក្រោយ។ ស្ត្រីពីរនាក់បានរត់គេចខ្លួនបាត់ តែម្នាក់ទៀតរត់មិនទាន់ ត្រូវបានគេនាំទៅហាងវិញ។ ខ្ញុំពិតជាមានការភ្ញាក់ផ្អើលណាស់ នៅពេលដែលឃើញចំនួនខោអាវដែលនាងទាញចេញពីក្នុងកាបូប និងក្នុងសំពត់។»
ជុំវិញហេតុការណ៍ខាងលើនេះ ប៉ូលិសក្នុងតំបន់កំពុងធ្វើការស៊ើបអង្កេត ដើម្បីតាមចាប់ខ្លួនស្ត្រីទាំងបីនាក់នោះ៕
សូមទស្សនារូបភាពនិងវីដេអូខាងក្រោម៖
Bong I.T