ញូហ្សេលឡែន៖ យ៉ាងហោចណាស់ក៏មានមនុស្សម្នាក់បានស្លាប់ដែរនៅក្នុងហេតុការណ៍ផ្ទុះភ្នំភ្លើង ដែលមានទីតាំងកើតហេតុស្ថិតនៅលើកោះវ៉ាការី នៃប្រទេសញូហ្សេលឡែន នៅថ្ងៃចន្ទទី៩ ខែធ្នូនេះ។ ភ្លាមៗអាជ្ញាធរក្នុងតំបន់បានប្រញាប់ប្រញាល់ជួយសង្គ្រោះអ្នកដែលរងរបួសដោយសារគ្រោះធម្មជាតិមួយនេះជាបន្ទាន់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ូលិសប្រទេសញូហ្សេលឡែនបាននិយាយថាអ្នករងគ្រោះថ្នាក់ដល់អាយុជីវិត អាចនឹងកើតមានជាបន្តបន្ទាប់ទៀត។ អ្នកស្រី Jacinda Ardern ដែលជានាយករដ្ឋមន្ត្រីទី៤០របស់ប្រទេសញូហ្សេលឡែនបានមានប្រសាសន៍ថា ភ្នំភ្លើងបានផ្ទុះភ្លាមៗស្របពេលដែលក្រុមភ្ញៀវទេសចរបាននិងកំពុងធ្វើដំណើរទៅកាន់តំបន់នោះ។
អ្នកស្រីបានបន្តទៀតថាយ៉ាងហោចណាស់មានមនុស្សប្រហែល ១០០នាក់មានវត្តមាននៅលើកោះ ឬនៅជុំវិញកោះនោះ។ ប៉ូលិសបានបញ្ជាក់ថា ក្រោយកើតហេតុគេប៉ាន់ស្មានថាមនុស្សក្រោម ៥០នាក់អាចនឹងជាប់នៅលើកោះវ៉ាការី។ ភ្ញៀវទេសចរមួយចំនួនត្រូវបានបញ្ជូនត្រឡប់មកឆ្នេរវិញ ប៉ុន្តែក៏នៅមានខ្លះទៀតអាចនៅជាប់លើកោះនោះផងដែរ។ ចំណែកមនុស្សម្នាក់ក្នុងចំណោមភ្ញៀវទេសចរដទៃទៀតដែលបញ្ជូនត្រឡប់មកកាន់ឆ្នេរវិញបានរងរបួសធ្ងន់។
បើតាមទីភ្នាក់ងារឧតុនិយមជាតិរបស់ប្រទេសញូហ្សេលឡែនដែលមានឈ្មោះថា Met Service បានឲ្យដឹងថា បន្ទុះភ្នំភ្លើងនេះគឺអាចមើលឃើញតាមរយៈផ្កាយរណប៕