ជប៉ុន៖ ការបាត់បង់ព្រះបុត្រីមួយអង្គរបស់ ព្រះបាទសម្តេចព្រះនរោត្តម សីហនុ ព្រះបរមរតនកោដ្ឋ នោះគឺ សម្តេចរាជបុត្រីព្រះរាម នរោត្តម បុប្ផាទេវី បានធ្វើឲ្យមហាជនជាច្រើន ពិតជាក្តុកក្តួល និងសោកស្តាយពន់ពេក ចំពោះការលាចាកឆ្ងាយលែងវិលត្រឡប់វិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញទោះបីជាទ្រង់បានចាកឆ្ងាយអស់ពេលប៉ុន្មានថ្ងៃនេះយ៉ាងណាក្តី ក៏ប៉ុន្តែឃើញថានៅក្នុងនោះក៏មានមនុស្សមួយចំនួនបានបង្ហាញក្តីនឹករលឹកដល់ទ្រង់ជានិច្ច។ ជាក់ស្តែងកាលពីពេលថ្មីៗនេះ អ្វីដែលធ្វើឲ្យមហាជនជាច្រើនមានការរំភើប និងក្តុកក្តួលក្នុងចិត្តខ្លាំងនោះគឺ ក្រោយឃើញទង្វើដ៏ល្អប្រពៃរបស់ជនជាតិជប៉ុន ដែលបានធ្វើឡើងនូវពិធីមួយកាលពីពេលថ្មីៗនេះ។
នៅក្នុងនោះដែរ ព្រះតេជព្រះគុណបណ្ឌិត Kyuse Enshinjoh ស្ថាបនិកអង្គការព្រះពុទ្ធសាសនាពិភពលោកនិកាយ Nenbutsushu បានប្រារព្ធព្រះរាជពិធីថ្វាយមហាព្រះរាជកុសល ថ្វាយព្រះវិញ្ញាណក្ខ័ន្ធ និងព្រះពិធីទទួលព្រះអដ្ឋិ នៃសម្តេចរាជបុត្រីព្រះរៀម នរោត្តម បុប្ផាទេវី នៅលើទឹកដីប្រទេសជប៉ុន យ៉ាងអធិកអធមយ៉ាងខ្លាំង។
ជាមួយនឹងទិដ្ឋភាព ទង្វើរបស់ជនជាតិជប៉ុន បានធ្វើឲ្យមហាជនជាច្រើនពិតជាក្តុកក្តួល និងរំភើបខ្លាំងដែលពួកគេមានទឹកចិត្តល្អ ស្រលាញ់ និងរាប់អានដល់សម្តេចរាជបុត្រីព្រះរៀម នរោត្តម បុប្ផាទេវី ខ្លាំងបែបនេះ៕
សូមទស្សនារូបភាពខាងក្រោមនេះ៖