ឆ្កែកំហូចមួយក្បាល ចុចបិទសំឡេងម៉ោងរោទិ៍ ដើម្បីកុំឲ្យម្ចាស់ក្រោកទៅណា (មានវីដេអូ)

អាមេរិក៖ ឆ្កែមួយក្បាល រស់នៅក្នុងរដ្ឋ Pennysylvania សហរដ្ឋអាមេរិក បានបិទសំឡេងម៉ោងរោទិ៍ ដើម្បីកុំឲ្យម្ចាស់ក្រោកទៅណា។

វីដេអូឃ្លីបមួយត្រូវបានថតឡើងដោយលោក Nick ដើម្បីរង់ចាំមើលសកម្មភាពឆ្កែរបស់គាត់នឹងធ្វើយ៉ាងណា នៅពេលដែលវាឮសូរសំឡេងម៉ោងរោទិ៍។

យោងតាមវីដេអូបានបង្ហាញឲ្យឃើញថា ឆ្កែឈ្មោះ Winston កំពុងក្រាបនៅលើគ្រែជាមួយម្ចាស់របស់វា។ ម្ចាស់បានដាក់ទូរស័ព្ទនៅចំពីមុខវា ហើយម៉ោងក៏ចាប់ផ្ដើមរោទិ៍។ បន្ទាប់ពីឮសូរសំឡេងម៉ោងរោទិ៍រួចមក វាសម្លឹងមើលមួយភ្លេតសិន ហើយប្រើក្រញាំទៅប៉ះលើអេក្រង់ទូរស័ព្ទរហូតដល់បាត់សំឡេង។ ក្រោយពីបានឃើញសកម្មភាពឆ្កែរួចមក លោក Nick និងភរិយា​ ហួសចិត្ត និងអស់សំណើចជាខ្លាំង។

លោក Nick បានបង្ហោះវីដេអូនោះទៅលើបណ្ដាញសង្គមអ៊ិនស្ដាក្រាម ដោយសរសេរបែបលេងសើចថា៖

លោក Nick បានឲ្យដឹងដែរថា ឆ្កែមួយក្បាលនេះ គឺជាពូជឆ្កែ Miniature Australian Shepherd Dog ហើយវាទើបតែកើតកាលពីដើមឆ្នាំ២០១៩កន្លងទៅនេះ៕

ចំពោះវីដេអូនេះ ទទួលបានការចាប់អារម្មណ៍យ៉ាងខ្លាំង និងមានអ្នកចូលទស្សនាជាច្រើនដងផងដែរ៕

សូមទស្សនារូបភាពនិងវីដេអូខាងក្រោម៖