អង់គ្លេស៖ អ្នកចាត់ការទូទៅរបស់មាន់ខ្នាយមាស Tottenham Hotspur លោក Jose Mourinho ត្រូវបានគេដឹងថាបានដាក់ការចាប់អារម្មណ៍ចង់នាំយកខ្សែប្រយុទ្ធ Edin Dzeko ហើយបានបញ្ជូនភ្នាក់ងារទៅតាមដានសកម្មភាពរបស់ខ្សែប្រយុទ្ធ Roma រូបនេះកាលពីខែសប្ដាហ៍មុនទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សSpurs ត្រូវបានគេដឹងថាកំពុងតែសម្លឹងរកមើលខ្សែប្រយុទ្ធចំណូលថ្មីម្នាក់ដើម្បីមកចាប់ដៃគូជាមួយ Harry Kane ខណៈខ្សែប្រយុទ្ធ Fernando Llorente បាកចាកចេញពីទឹកដីអង់គ្លេសទៅចូលរួមជាមួយ Napoli កំឡុងពេលទីផ្សារដោះដូរកីឡាករកាលពីរដូវក្ដៅកន្លងទៅ។
បើតាមសារព័ត៌មានក្នុងប្រទេសអង់គ្លេសបានចុះផ្សាយថា កីឡាករ Eden Dzeko គឺជាគោលដៅមួយរូបរបស់ក្លិបមានមូលដ្ឋាននៅទីក្រុងឡុងដ៍ ខណៈកាលពីសប្ដាហ៍មុនលោក Jose Mourinho បានបញ្ជូនភ្នាក់ងារទៅតាមដានខ្សែប្រយុទ្ធវ័យ៣៣ឆ្នាំរូបនេះ អំឡុងការប្រកួតក្របខណ្ឌ Serie A រវាង Hellas Verona និង Roma។
ខ្សែប្រយុទ្ធជម្រើសជាតិបូសនីរកបាន ៩៥គ្រាប់ ក្នុងចំណោមការបង្ហាញខ្លួនសរុបឲ្យ Roma ចំនួន១៩៨ប្រកួត ស្របពេលរដូវកាល ២០១៩-២០២០ នេះគេក៏រកបាន៨គ្រាប់ ពីការបង្ហាញខ្លួន ១៩ប្រកួតផងដែរ។ Dzeko ក៏ធ្លាប់ជាខ្សែប្រយុទ្ធជួរមុខរបស់ Manchester City មុនពេលផ្លាស់មក Roma ដែលកាលនោះគេចូលលេងឲ្យមេឃខៀវបានចំនួន ១៨៩ប្រកួត និងអាចរកគ្រាប់បាល់បាន ៧២គ្រាប់។
គួរបញ្ជាក់ផងដែរថា កាលពីយប់មិញ Spurs ទើបតែរកបាន ៣ពិន្ទុក្រោយយកឈ្នះ Burnley ក្នុងលទ្ធផល ៥ទល់នឹង០៕
ប្រភព៖ SportsMole