មិនគួរឲ្យជឿ! Son អូសបាល់ពីមុខទីខ្លួនឯង ទៅស៊ុតបញ្ចូលទីគូប្រកួតយ៉ាងអស្ចារ្យ (មានវីដេអូ)

អង់គ្លេស៖ Tottenham Hotspur រកបាន ៣ពិន្ទុពីការប្រកួតសប្ដាហ៍ទី១៦ ពានរង្វាន់ Premier League ក្រោយយកឈ្នះក្រុមភ្ញៀវ Burnley ក្នុងលទ្ធផល ៥ទល់នឹង០ កាលពីយប់មិញ។

៥គ្រាប់របស់កូនក្រុមលោក Jose Mourinho ធ្វើបានសម្រេចដោយខ្សែប្រយុទ្ធជួរមុខ Harry Kane ២គ្រាប់ ខណៈ ៣គ្រាប់ទៀតរកបានដោយ Lucas Moura, Heung-min Son និង Sissoko ក្នុងម្នាក់១គ្រាប់។ អ្វីដែលគួរឲ្យចាប់អារម្មណ៍សម្រាប់ការប្រកួតនោះគឺ គ្រាប់បាល់របស់ខ្សែប្រយុទ្ធកូរ៉េខាងត្បូង Heung-min Son នៅនាទីទី៣២ ដែលម្ចាស់អាវលេខ៧របស់ Spurs បានអូសបាល់ពីលើដំបូលទូករបស់ខ្លួនដាច់ខ្សែការពារជាច្រើននាក់ និងទាត់បាល់បញ្ចូលទីដោយប្រើជើងស្ដាំយ៉ាងអស្ចារ្យ។

ក្រោយយកបាន៣ពិន្ទុពី Burnley ក្រុមរបស់អ្នកចាត់ការទូទៅរហស្សនាម Special One កំពុងឈរនៅចំណាត់ថ្នាក់លេខ៦បណ្ដោះអាសន្នក្នុងតារាង Premier League គិតត្រឹមសប្ដាហ៍ទី១៦ ក្រោយឈ្នះ៦ ស្មើ៥ និងចាញ់៥ មាន២៣ពិន្ទុ៕

ចង់ឃើញថា Son អូសបាល់មកស៊ុតបញ្ចូលទីល្អយ៉ាងណានោះ ទៅទស្សនាវីដេអូ Highlight ខាងក្រោមទាំងអស់គ្នា៖