ប្រេស៊ីល៖ ខ្សែប្រយុទ្ធសញ្ជាតិប្រេស៊ីលរបស់ក្លិប Inter Milan កីឡាករ Gabriel Barbosa បង្ហើបថា រូបគេមានគោលបំណងចង់លេងនៅក្លិប Liverpool ជាមួយនឹងមិត្តរួមជម្រើសជាតិកីឡាករ Roberto Firmino។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករ Gabriel បច្ចុប្បន្នកំពុងលេងឲ្យក្លិប Flamengo នៅលីគកំពូលប្រេស៊ីល Serie A ក្នុងលក្ខខណ្ឌខ្ចីជើង ហើយនៅពេលបញ្ចប់ឆ្នាំនេះរូបគេនឹងវិលត្រលប់ទៅលេងនៅក្លិបដើមរបស់ខ្លួនវិញគឺក្លិប Inter Milan។
អំឡុងពេលខ្ចីជើងនៅ Flamengo កីឡាករ Gabriel បង្ហាញខ្លួនបានចំនួន៤០ប្រកួត ស៊ុតបញ្ចូលទីបាន៣៤គ្រាប់ ថែមទាំងជួយក្រុមឈ្នះពានរង្វាន់ធំៗពីររួមមាន ពានលីគកំពូលប្រេស៊ីល និងពាន Copa Libertadores។
នៅបំណាច់ឆ្នាំនេះ កីឡាករ Gabriel ទំនងមិនចង់វិលត្រលប់ទៅកាន់ក្លិប Inter Milan វិញនោះទេ ដោយរូបគេមានបំណងចង់លេងនៅ Premier League ដោយខ្សែប្រយុទ្ធវ័យ២៣ឆ្នាំ បានលើកឡើងថា៖
"Firmino ជាកីឡាករដ៏អស្ចារ្យមួយរូប ខ្ញុំពិតជាកោតសរសើរគាត់ណាស់។ គាត់ទទួលជោគជ័យនៅតំបន់អឺរ៉ុបអស់រយៈពេលជាច្រើនឆ្នាំមកហើយ។ គាត់ជាខ្សែប្រយុទ្ធដ៏មុតស្រួច១រូប ហើយគាត់ជាកីឡាករដ៏អស្ចារ្យម្នាក់សម្រាប់ជម្រើសជាតិប្រេស៊ីល។ គាត់ជាអ្នកជំរុញទឹកចិត្តខ្ញុំឲ្យបន្តទៅមុខ។"
កីឡាករ Gabriel បានបន្តទៀតថា៖
"វាពិតជារីករាយ ដែលបានលេងជាមូយគាត់។ ប្រហែលពួកយើងអាចចាប់ដៃគ្នាក្នុងជម្រើសជាតិប្រេស៊ីលនាពេលអនាគត ហើយ Liverpool ជាក្លិបមួយដែលមនុស្សគ្រប់គ្នាប្រាថ្នាចង់លេងនៅទីនោះ៕"
ប្រភព៖ goal.com
Bong I.T