កប់ណាស់! ទម្រាំបានមួយឈុត រ៉ូបរាត្រីស្រមោលស Miss Universe សំណាង អេលីណា បង្ហាញថ្ងៃនេះ ច្នៃឡើងជាមួយត្បូងជាង ១៨០០០គ្រាប់! (មានវីដេអូ)

ភ្នំពេញ៖ កម្មវិធី Miss Universe 2019 កំពុងតែធ្វើឡើងយ៉ាងអធិកអធម ដែលក្នុងនោះបវរកញ្ញាកម្ពុជា កញ្ញា សំណាង អេលីណា បានប្រឹងប្រែងយ៉ាងខ្លាំងនៅក្នុងការប្រកួតនៅក្នុងថ្ងៃនេះ ដែលទឹកមុខពោរពេញដោយស្នាមញញឹម និងភាពជឿជាក់យ៉ាងខ្លាំង។

ជាក់ស្តែង ការប្រកួតកាលពីព្រឹកមិញនេះ Miss Universe កញ្ញា សំណាង អេលីណា បានបញ្ចេញនូវភាពជឿជាក់ ដើរម៉ូតយ៉ាងស្រស់ស្អាត នៅក្នុងឈុតសម្លៀកបំពាក់ប៉ុន្មានឈុត​យ៉ាងទាក់ទាញ និងលេចធ្លោយ៉ាងខ្លាំង។ នៅក្នុងនោះ បណ្តាអ្នកគាំទ្រជាច្រើន បានចាប់អារម្មណ៍ខ្លាំង ទៅលើឈុតរាត្រីស្រមោលពណ៌បៃតងរបស់នាង ដែលបានបង្ហាញនៅក្នុងថ្ងៃនេះ យ៉ាងស៊ិចស៊ីប្លែកភ្នែក។

តែបើងាកមកមើលការច្នៃនៃរ៉ូប ឈុតដ៏ទាក់ទាញមួយនេះ ពិតជាមិនធម្មតានោះទេ ព្រោះថាការច្នៃឡើងពោរពេញដោយគ្រាប់ត្បូងជាច្រើនគ្រាប់ ដែលសរុបប្រមាណជាង ១៨០០០គ្រាប់ឯណោះ រីឯការច្នៃឡើងវិញក៏មានផលលំបាកមិនធម្មតានោះដែរ។

ទន្ទឹមនឹងនេះដែរ មហាជនជាច្រើនពិតជាសរសើរខ្លាំង ទៅដល់អ្នកច្នៃម៉ូតឈុតមួយនេះ ដែលពិតជាមានស្នាដៃល្អ មើលទៅពិតជាស្អាតប្លែក និងទាក់ទាញយ៉ាងខ្លាំង៕

សូមទស្សនាវីដេអូ ខាងក្រោមនេះ៖