អង់គ្លេស៖ ក្លិប Watford បានបណ្ដេញគ្រូបង្វឹកសញ្ជាតិអេស្ប៉ាញ លោក Quique Sanchez Flores ចេញកាលពីថ្ងៃច័ន្ទ កន្លងទៅនេះ ហើយកាលពីព្រឹកមិញ ក្លិបបានសម្រេចតែងតាំងអតីតគ្រូបង្វឹកក្រុម Leicester City លោក Nigel Pearson ឡើងធ្វើជាគ្រូបង្គោលថ្មី ជាមួយនឹងកិច្ចសន្យាដឹកនាំក្រុមរហូតដល់បញ្ចប់រដូវកាល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ប្រធានក្លិប Watford លោក Scott Duxbury បាននិយាយថា៖
"Nigel គឺជាគ្រូបង្វឹកដ៏គួរឲ្យចាប់អារម្មណ៍មួយរូប ពោរពេញដោយបទពិសោធន៍ និងភាពជោគជ័យ ហើយពួកយើងជឿជាក់ថា គាត់នឹងផ្ដល់ផលវិជ្ជមានដល់ក្រុមរបស់យើងរដូវកាលនេះ។"
លោក Scott Duxbury បានបន្តទៀតថា៖
"វាជាពេលវេលារីករាយដែលបានចំណាយពេលស្ដាប់ ការរៀបរាប់ពីការស្រលាញ់យកចិត្តទុកដាក់របស់គាត់ទៅលើការប្រកួត។ ការអបអរសាទរ និងការរៀបចំក្រុម រួមជាមួយការលើកទឹកចិត្តរបស់គាត់ ជាកត្តាសំខាន់ក្នុងការជំរុញក្រុមបន្តឆ្ពោះទៅមុខ៕"
ប្រភព៖ watfordfc
Bong I.T