ហ្វីលីពីន៖ ក្រុមបាល់ទះជម្រើសជាតិកម្ពុជាបានធ្វើការប្រកួតជាមួយនឹងក្រុមបាល់ទះជម្រើសជាតិវៀតណាម ដែលជាការប្រកួតប្រចាំពូល B ក្នុងព្រឹត្តិការណ៍ស៊ីហ្គេមលើកទី៣០ ឆ្នាំ២០១៩ កាលពីម្សិលមិញនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការប្រកួតដ៏តានតឹងនេះ ក្រុមបាល់ទះកម្ពុជាបានទទួលជ័យជម្នះទៅលើក្រុមបាល់ទះ វៀតណាម ដោយលទ្ធផល ៣សិតទល់នឹង២។
ក្នុងសិតទី១ កម្ពុជាចាញ់វៀតណាម ២០-២៥
ក្នុងសិតទី២ កម្ពុជាឈ្នះវៀតណាម២៦-២៤
ក្នុងសិតទី៣ កម្ពុជាចាញ់វៀតណាម ២១-២៥
ក្នុងសិតទី៤ កម្ពុជាឈ្នះវៀតណាម ២៧-២៥
ក្នុងសិតទី៥ កម្ពុជាឈ្នះវៀតណាម ១៥-១១
គួរបញ្ជាក់ផងដែរថា ក្នុងពូល B មាន៤ក្រុម រួមមានម្ចាស់ផ្ទះ ហ្វីលីពីន ឥណ្ឌូណេស៊ី កម្ពុជា និងវៀតណាម។
យ៉ាងណាមិញ បើទោះបីជា កម្ពុជាទទួលជ័យជម្នះក្នុងការប្រកួតនេះក៏ពិតមែន តែក្រុមដែលបានឡើងទៅវគ្គពាក់កណ្ដាលផ្ដាច់ព្រ័ត្រគឺក្រុមហ្វីលីពីន និង ឥណ្ឌូណេស៊ី ចំណែកឯក្រុមកម្ពុជានៅចាំប្រកួតដណ្ដើមលេខ៥ ដោយត្រូវរង់ចាំការប្រកួតរវាងក្រុមបាតតារាងទាំងពីរពូល គឺក្រុមបាតតារាងពូល A សឹង្ហបុរី និងក្រុមបាតតារាងពូល B វៀតណាម ដោយក្រុមណាឈ្នះនឹងឡើងមកប៉ះកម្ពុជា៕
សូមទស្សនាវីដេអូនៃការប្រកួតដ៏ជក់ចិត្តខាងក្រោមនេះ៖
ប្រភព៖ 2019 SEA Games