ការសិក្សាថ្មីមួយ ពីសាកលវិទ្យាល័យ រដ្ឋអារីហ្សូណា សហរដ្ឋអាមេរិក រកឃើញទំនាក់ទំនងគួរឲ្យកត់សម្គាល់ រវាងបញ្ហាស្រ្តែស ជាមួយកំហាប់ឆ្អឹង ធ្វើឲ្យឆ្អឹងឆាប់ពុកផុយ និងរាងកាយឆាប់ចុះខ្សោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដំបូងឡើងការស្រាវជ្រាវ បានតាមដានពិនិត្យទិន្នន័យស្រីៗប្រមាណជាង ១១.០០០នាក់ អាយុចាប់ពី ៥០-៧០ ឆ្នាំ ដើម្បីផ្តោតសំខាន់លើ ជំងឺបេះដូង ជំងឺមហារីកសុដន់ និង ជំងឺពុកឆ្អឹង ក្នុងរយៈពេលប្រមាណជិត ៦ ឆ្នាំ។ ប៉ុន្តែក្រោយពេល វិភាគរបាយការណ៍ ស្រាប់តែឃើញទំនាក់ទំនង រវាងជំងឺពុកឆ្អឹង ដោយភាពប្រែះស្រាំឆ្អឹងកើតមាន ទៅលើស្រ្តីចូលរួម និងមានបញ្ហាស្រ្តែសច្រើន ភាគច្រើនដោយសារទំនាក់ទំនងក្នុងសង្គម ការគិតអវិជ្ជមានច្រើន ក៏ដូចមានបញ្ហាសុខភាពផ្លូវចិត្តជាដើម។
អ្នកវិទ្យាសាស្រ្ត រកឃើញទៀតថា កំហាប់ដង់ស៊ីតេឆ្អឹងគឺមានការប្រែប្រួល (ថយចុះ) ពោលគឺត្រង់ផ្នែកឆ្អឹងក ថយជាមធ្យម ០,០៨២% ឆ្អឹងត្រគាក ថយជាមធ្យម ០,១០៨% និងកជើង ស្រាប់តែថយចុះប្រមាណ ០,០៦៩% ទៀតផង។ រឿងសំខាន់ ធ្វើឲ្យកំហាប់ឆ្អឹងថយបែបនេះ ក៏ព្រោះអារម្មណ៍មិនល្អៗ នាំឲ្យអ័រម៉ូនប្រែប្រួលខ្លាំង រាប់ទាំងអ័រម៉ូនធ្វើឲ្យអារម្មណ៍រីករាយ Cortisol អ័រម៉ូនឆ្អឹងខ្ចី ក្រពេញទីរ៉ូអ៊ីត និងអ័រម៉ូនលូតលាស់។
ដោយឃើញច្បាស់ពីបញ្ហានេះ ក្រុមសាស្រ្តាចារ្យ ក៏បានណែនាំ មិនថាប្រុស មិនថាស្រី គប្បីបង្កើតទម្លាប់ និងរបបអាហារមួយចំនួន ដើម្បីឲ្យឆ្អឹងរឹងមាំ ដូចជា របបអាហារមានជីវជាតិគ្រប់គ្រាន់ រួមមានកាល់ស្យូម វីតាមីន D និងហាត់ប្រាណជាដើម។
រំឭកដែរថា ជំងឺពុកឆ្អឹង ច្រើនកើតលើមនុស្សស្រី ជាពិសេសនៅពេលដល់វ័យអស់រដូវ ហើយហានិភ័យជំងឺពុកឆ្អឹង ឬប្រែះឆ្អឹងកើតលើស្រីៗ គឺច្រើនជាងប្រុសៗ ដល់ ៤ ដង។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T