ហ្វីលីពីន៖ ក្រុមជម្រើសជាតិកម្ពុជា U-22 នឹងត្រូវធ្វើការប្រកួតជាមួយនឹងក្រុមជម្រើសជាតិវៀតណាម U-22 ក្នុងព្រឹត្តការណ៍ស៊ីហ្គេមលើកទី៣០ វិញ្ញាសារបាល់ទាត់បុរស វគ្គពាក់កណ្ដាលផ្ដាច់ព្រ័ត្រ នៅថ្ងៃស្អែកវេលាម៉ោង៧យប់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញនៅក្នុងថ្ងៃនេះក្រុមជម្រើសជាតិកម្ពុជាបានធ្វើការស្នើសុំ ធ្វើការហ្វឹកហាត់ជាសម្ងាត់ ដោយមិនអនុញ្ញាតឲ្យក្រុមអ្នកកាសែតចូលផ្ដិតយករូបភាពឡើយ ប៉ុន្តែកាលពីថ្ងៃមិញនេះបែរជាមានការបែកធ្លាយរូបភាពនៃសម្មភាពហ្វឹកហាត់របស់ក្រុមកម្ពុជាពីអ្នកកាសែតវៀតណាមទៅវិញ។
ឆ្លើយតបទៅនឹងរឿងខាងលើនេះ គ្រូបង្វឹកក្រុមជម្រើសជាតិវៀតណាមលោក Park Hang Seo បាននិយាយថាលោកមិនបានបញ្ជូននរណាម្នាក់ឲ្យទៅស៊ើបពីសកម្មភាពហ្វឹកហាត់របស់ក្រុមកម្ពុជាទេ។
លោក Park Hang Seo បានថ្លែងក្នុងសន្និសីទកាសែតថា៖
"ខ្ញុំគោរពប្រទេសកម្ពុជា ហើយខ្ញុំមិនដែលបញ្ជូននរណាម្នាក់ឱ្យទៅស៊ើបការណ៍សម្ងាត់នោះទេ។ អ្នកសារព័ត៌មានវៀតណាមមមាញឹកនឹងការងាររបស់ពួកគេណាស់ ដូច្នេះពួកគេមិនធ្វើរឿងនេះទេ។
លោក Park Hang Seo បានបន្តទៀតថា៖
ជំនួយការ របស់ខ្ញុំបានមកមើល និងវិភាគការប្រកួតរបស់ក្រុមកម្ពុជាដោយទទួលបានព័ត៌មានច្រើនគ្រប់គ្រាន់ហើយ ដូច្នេះយើងគ្មានហេតុផលអី ដែលត្រូវបញ្ជូនមនុស្សទៅធ្វើការថតដោយសម្ងាត់អីនោះទេ។ ហើយខ្ញុំសុំស្នើផងដែរ ទៅដល់អ្នកសារព័ត៌មានវៀតណាមទាំងអស់ សូមកុំធ្វើរឿងបែបនេះ៕
ប្រភព៖ thethao247
Bong I.T