កូឡាឡាំពួរ៖ ក្រោយប្រកួតចាញ់កម្ពុជាកាលពីថ្ងៃពុធកន្លងទៅ សមាគមន៍បាល់ទាត់ម៉ាឡេស៊ី (FAM) បានបញ្ជាក់ថានឹងមិនបន្តកុងត្រាថ្មីឲ្យគ្រូបង្វឹកក្រុមជម្រើសជាតិម៉ាឡេស៊ី U-22 លោក Datuk Ong Kim Swee នោះទេ ខណៈកិច្ចសន្យាកុងត្រាចាស់របស់លោកនឹងផុតនៅដំណាច់ខែនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
អគ្គលេខាធិការ FAM លោក Stuart Ramalingam បានប្រាប់សារព័ត៌មានក្នុងប្រទេសម៉ាឡេស៊ីថា៖
“កុងត្រារបស់ Datuk Ong ដែលជាគ្រូរបស់ក្រុមជម្រើសជាតិម៉ាឡេស៊ី U-22 និង U-23 នឹងផុតនៅដំណាច់ឆ្នាំ២០១៩ ហើយនឹងមិនបន្តកុងត្រាថ្មីទៀតនោះទេ។”
គួរឲ្យដឹងដែរថា ក្រុមបាលទាត់ជម្រើសជាតិម៉ាឡេស៊ីអាយុក្រោម ២២ឆ្នាំបានត្រឹមធ្លាក់ក្នុងវគ្គចែកពូលព្រឹត្តិការណ៍កីឡាស៊ីហ្គេមលើកទី៣០ បន្ទាប់ពីឈ្នះ១ ស្មើ១ និងចាញ់២ ខណៈប្រកួតចុងក្រោយនៅក្នុងពូល A ម៉ាឡេស៊ី បានចាញ់កម្ពុជា ១-៣៕
ប្រភព៖ NST
Bong I.T