(ភ្នំពេញ)៖ ពិធិការិនីពូកែវោហាស័ព្ទ កញ្ញា សុភ័ក្រ្ត កុសុម៉ា ត្រូវបានគេដឹងថា នាងជាពិធីការិនីដ៏មានប្រជាប្រិយភាព នៅក្នុងកម្មវិធី «ពេញចិត្តឬអត់» របស់ស្ថានីយ៍ទូរទស្សន៍ MYTV ជាមួយនឹងពិធិករស្រស់សង្ហារលោក តាប៊ុយ។ ដោយឡែកស្រាប់តែថ្មីៗនេះ ទស្សនិកជនមានការភ្ញាក់ផ្អើល ក៏ដូចជាងឿងឆ្ងល់យ៉ាងខ្លាំង ខណៈដែលស្ងាត់ៗ ពិធីការិនីរូបនេះ បានសម្រេចចិត្តដើរចេញពីតំណែងពិធីការិនី ក្នុងកម្មវិធីនេះ ដោយគ្មានមូលហេតុទាល់តែសោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមរយៈការចាកចេញពីកម្មវិធី «ពេញចិត្តឬអត់» របស់ពិធីការិនី កញ្ញា សុភ័ក្រ្ត កុសុម៉ា ដោយមិនដឹងពីមូលហេតុច្បាស់លាស់បែបនេះ បានធ្វើឲ្យមហាជន ក៏ដូចជាអ្នកគាំទ្រតារាស្រីរូបនេះ បានចោទជាចម្ងល់ជាច្រើន រហូតមានមតិមួយចំនួនតូចពីមហាជនលើកឡើងថា «បានល្បីរត់ចោលទ្រនំដែលខ្លួនធ្លាប់ជ្រក»។
ជាមួយនឹងការលើកឡើងបែបនេះ ពិធីករក៏ដូចជាអ្នករៀបចំកម្មវិធីលោក តាប៊ុយ ក៏បានចេញវីដេអូបកស្រាយ ពីការលាឈប់របស់ សុភ័ក្ត្រ កុសុម៉ា ទោះបីជាលោកមិនបានដឹងច្បាស់ពីមូលហេតុ នៃការដើរចេញរបស់នាងក៏ពិតមែន ប៉ុន្តែលោកបានសំណូមពរដល់របស់មហាជនមួយចំនួន សូមកុំមានការពោលពាក្យមិនសមរម្យ ឬមានការយល់ច្រឡំទៅលើ កុសុម៉ា ថា បានល្បីរត់ចោលទ្រនំ ព្រោះថាលោកនិងនាង មិនមានបញ្ហាអ្វីជាមួយគ្នាឡើយ។ ម្យ៉ាងវិញទៀត តាប៊ុយ ក៏បានស្នើដល់អ្នកគាំទ្រ ឲ្យនៅតែបន្តការស្រឡាញ់គាំទ្រ ដល់រូបលោក និងសុភ័ក្រ្ត កុសុម៉ា បន្តទៅទៀត។
គួរបញ្ជាក់ថា ការចាកចេញរបស់ពិធីការនី សុភ័ក្រ្ត កុសុម៉ា ក្នុងកម្មវិធី «ពេញចិត្តឬអត់» បានធ្វើឲ្យ តាប៊ុយ មានការពិបាកចិត្តជាខ្លាំង ដោយលោកត្រូវគិតពិចារណាថា ត្រូវកែសម្រួលកម្មវិធីបែបណា ទើបឲ្យមានការចាប់អារម្មណ៍ជាថ្មី ពីសំណាក់ទស្សនិកជន នៅពេលដែលដៃគូដ៏ស័ក្តិសមបំផុត គឺកញ្ញា សុភ័ក្រ្ត កុសុម៉ា ចាកចេញទៅ។ ជាមួយគ្នានេះ លោកក៏សំណូមពរដ៏មហាជន សូមកុំមានការវាយប្រហារទៅលើ សុភ័ក្រ្ត កុសុម៉ា ដែលដើរចេញពីកម្មវិធីគ្មានមូលហេតុ ប្រហែលជានាងមានបញ្ហាចាំបាច់អ្វីមួយហើយ ទើបនាងសម្រេចចិត្តបែបនេះ។
លោកបន្តថា ទោះបីជាមិនមានឱកាសបានធ្វើកម្មវិធីរួមគ្នា នៅលើស្ថានីយ៍ទូរទស្សន៍ក៏ដោយ តែតាប៊ុយ ក៏សង្ឃឹមថា រូបលោក នឹងអាចប៉ះគ្នាម្ដងទៀត ក្នុងកម្មវិធីផ្សេងៗជាមួយ កញ្ញា សុភ័ក្រ្ត កុសុម៉ា តាមរយៈកម្មវិធីតាមក្រុមហ៊ុនផ្សេងៗ ជាក់ជាមិនខាន៕
ប្រភព៖ freshnews
Bong I.T