ញាក់សាច់ ពេលឃើញ ការច្នៃមកុដ Miss Universeថ្មី ដាំពេជ្រ តម្លៃជាង៥លានដុល្លារ (មានវីដេអូ)

អាមេរិក៖ កម្មវិធីការប្រកួតបវរកញ្ញា Miss Universe 2019 បានប្រព្រឹត្តទៅយ៉ាងអធិកអធម ដែលមានបេក្ខភាពមកពីបណ្តាប្រទេសជាច្រើនបានធ្វើការចូលរួមប្រកួត បង្ហាញរូបសម្រស់ ចំណេះដឹង ក៏ដូចជាវប្បធម៌របស់ជាតិសាសន៍រៀងៗខ្លួន ដើម្បីដណ្តើមយកមកុដ។

ជាក់ស្តែងកាលពីពេលថ្មីៗនេះ មកុដថ្មីរបស់ Miss Universe ក៏បានបញ្ចេញជាផ្លូវការហើយ ដែលក្នុងនោះធ្វើឲ្យមហាជនមួយចំនួនមានការបើកភ្នែកធំៗយ៉ាងខ្លាំង ជាមួយនឹងការច្នៃឡើងមកុដថ្មី មានរូបរាងយ៉ាងស្រស់ស្អាតខ្លាំងគួរឲ្យចង់ពាក់នេះ។

តាមរយៈវីដេអូដែលគេបានបង្ហោះឃើញថា​មកុដនេះ បានធ្វើការច្នៃឡើងយ៉ា់ងម៉ត់ចត់ខ្លាំង ជាមួយនឹងក្បាច់យ៉ាងស្រស់ស្អាត ធ្វើឡើងយ៉ាងសម្រិតសម្រាងយ៉ាងខ្លាំង ដាំពេជ្រ និងត្បូងយ៉ាងធំ សរុបលុយជាង៥លានដុល្លារឯណោះ។

មិនត្រឹមតែប៉ុណ្ណោះ ម្កុជមាននោះមានឈ្មោះថា Power of Unity ដាំដោយត្បូងពេជ្រចំ នួន១៧៧០គ្រាប់ ត្បូងពេជ្រចំកណ្ដាលមានទំហំ ៦៣.៨៣ ការ៉ាត់ សរុបទាំងអស់មានទំហំ ១៧០ការ៉ាត់ឯណោះ។ ជាមួយគ្នានេះដែរ បណ្តាអ្នកគាំទ្រពិតជាទន្ទឹងរង់ចាំមើល ថាតើបវរកញ្ញារូបណាដែលអាចពាក់មកុដនេះបាន៕

សូមទស្សនាវីដេអូខាងក្រោមនេះ៖