ការផ្តល់ឲ្យនូវ “ វត្ថុអនុស្សាវរីយ៍” ទៅនរណាម្នាក់ បានក្លាយជាការបង្ហាញពីមនោសញ្ចេតនាដ៏មានអត្ថន័យ។ មានអត្ថន័យត្រង់ថា របស់របរដែលត្រូវបានគេផ្តល់ឲ្យនោះ វាបានបន្សល់នូវការចងចាំជាពិសេសមិនថាក្នុងពិធីអ្វីមួយ រឺក្នុងគោលដៅពិសេសណាមួយ ព្រោះថាការដែលត្រឹមតែជួបគ្នាធម្មតាគឺមិនគ្រប់គ្រាន់ឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនេះជាកាដូសាមញ្ញៗមួយចំនួនដែលបង្កប់នូវក្តីស្រលាញ់ច្រើនឡើងៗចំពោះមនុស្សពិសេសរបស់អ្នក តែត្រូវប្រើឲ្យត្រូវលក្ខខណ្ឌផងណា៖
1. ផ្កា
ជាកាដូដែលមិនអស្ចារ្យពេក តែក៏មិនសាមញ្ញពេកដែរ។ យើងបានបង្ហាញនូវអារម្មណ៍ស្រស់ថ្លាចំពោះនរណាម្នាក់។ ផ្កាអាចសំដៅដល់ការអបអរ លើកទឹកចិត្ត និងសូម្បីការបង្កើននូវក្តីរំភើបទៅវិញទៅមក។ អ៊ឹចឹងហើយ បានជាយើងសង្កេតឃើញគូរស្នេហ៍និយមជូនផ្កាឲ្យគ្នា ហើយសូម្បីក្នុងពីធីធំតូចស្ទើរទាំងអស់ត្រូវបានគេរៀបចំឲ្យមានបាច់ផ្កា។ យ៉ាងណាមុននឹងជ្រើសរើសពណ៌ យើងប្រហែលធ្លាប់សង្កេត និងប៉ាន់ស្មាននូវការចូលចិត្តរបស់ម្នាក់នោះ ដូច្នេះគួរជ្រើសរើសប្រភេទ និងពណ៌ផ្កាឲ្យបានសមរម្យ។
2. តុក្កតា
តុក្កតា៖ ក្នុងពិធីខួបកំណើត ខួបអាពាហ៍ពិពាហ៍ ថ្ងៃបុណ្យនៃក្តីស្រលាញ់ និងសូម្បីថ្ងៃឆ្លងឆ្នាំជាដើម អ្នកប្រហែលជាតែងមានគម្រោងក្នុងចិត្តថានឹងទិញអ្វីឲ្យម្ចាស់ពិធី? តុក្កតាគួរជាចំណែកមួយជួយបង្កើនទំនាក់ទំនង និងក្តីស្រលាញ់ ព្រោះពេលណាគេចាប់កាន់ រឺឳបតុក្កតា គេនឹងនឹកឃើញដល់យើងមុនគេ។ ចឹងគួរជ្រើសតុក្កតាដែល cute ប្លែកៗបន្តិច ដើម្បីកុំឲ្យស៊ាំ។
3. អាវយឺត
អាវយឺត៖ ជាកាដូសាមញ្ញបន្តិច តែបង្កប់នូវភាពកក់ក្តៅ ជាពិសេសសម្រាប់គូរស្នេហ៍ រឺមិត្តជាទីស្រលាញ់ សូម្បីអ្នកមានគុណក៏អាចទិញឲ្យបាន។ ពេលខ្លះរៀនប្តូរបរិយាកាស ដោយពាក់អាវម៉ូដដូចគ្នា យើងនឹងកាន់តែមានអារម្មណ៍ល្អ។
4. ទឹកអប់
ទឹកអប់៖ បង្កប់នូវភាពស្រស់ស្រាយ និងក្តីនឹករឭកជាពិសេស។ បើទិញជូននារី រឺបុរស ក៏រំភើបដែរ។ គាំទ្រផលិតផលក្នុងស្រុកក៏ល្អ ហើយបើបានចេញទៅក្រៅប្រទេស ឆ្លៀតៗទិញផ្ញើរមនុស្សជាទីស្រលាញ់ផងណា។
5. សៀវភៅ
ភាគច្រើនអ្នកសិក្សា រឺជាអ្នកស្លុងអារម្មណ៍នឹងប្រឡោមលោក ពិតជាអរគុណអ្នកមិនតិចទេ។ការសង្កេតរបស់អ្នកទៅលើចំណង់ចំណូលចិត្តរបស់គេ ជាជំហានដែលធ្វើឲ្យអ្នកកាន់តែទទួលបានភាពជឿជាក់ពីគេ។ កាន់សៀវភៅនោះកាលណា គេនឹងនឹកដល់អ្នកមិនតិចទេ។
បើអាច គួរសាកល្បងរកនឹកកាដូផ្សេងៗទៀតក៏បានណា៕