សួស វីហ្សា និងថមមី ព្រមបញ្ចេញវីដេអូ និយាយពីសាច់រឿងពិត (មានវីដេអូ)

ភ្នំពេញ៖ ក្រោយស្រលាញ់គ្នាអស់ពេលជាច្រើនឆ្នាំមកនេះ តារាចម្រៀងស្រីដ៏ល្បី អ្នកនាងសួស វីហ្សា និងលោកថមមី បានកាន់ដៃគ្នាចូលរោងជ័យកាលពីពេលថ្មីៗនេះ ដែលមានបណ្តាអ្នកគាំទ្រជាច្រើនបានចូលរួមអបអរសាទរដល់អ្នកទាំងពីរ ដែលតស៊ូជាមួយគ្នាអស់ពេលជាច្រើនឆ្នាំទម្រាំមកដល់ពេលនេះ។

មកទល់នឹងពេលនេះ អ្នកទាំងពីរបានចូលរោងជ័យប៉ុន្មានថ្ងៃមកហើយស្របពេលដែលពេលនេះ កំពុងតែនាំគ្នាដើរលេងកម្សាន្តក្រៀបទឹកឃ្មុំនៅក្រៅប្រទេសយ៉ាងផ្អែមល្ហែម ធ្វើឲ្យអ្នកគាំទ្រជាច្រើនរំភើប និងរីករាយជំនួសពួកគេយ៉ាងខ្លាំង។ ខណៈពេលនេះដែរ តារាទាំងពីរក៏បានធ្វើការបង្ហាញនូវវីដេអូដ៏ស្វីតមួយ កាលពីប៉ុន្មានម៉ោងមុននេះ។

ដោយក្នុងនោះគូស្វាមីភរិយាមួយគូនេះ បានធ្វើការសម្តែងនៅក្នុងបទចម្រៀង«អរគុណ»​ដែលជាការច្រៀង និងការនិពន្ធអត្ថន័យ យ៉ាងពីរោះគួរឲ្យសរសើរ សម្តែងយ៉ាងស្វីតពីសាច់រឿងផ្ទាល់ខ្លួន យ៉ាងពោរពេញដោយក្តីសុខតែម្តង។

ក្រោយពីបានទស្សនារូបវីដេអូមួយនេះ អ្នកគាំទ្រជាច្រើនពិតជាសរសើរដល់ពួកគេ ដែលខំប្រឹងតស៊ូជាមួយគ្នាកាន់ដៃគ្នាអស់ពេលជាច្រើនឆ្នាំ រហូតមកដល់ថ្ងៃជ័យចូលរោងការ កាន់ដៃគ្នារហូតបែបនេះ៕

សូមទស្សនាវីដេអូខាងក្រោមនេះ៖