កូរ៉េខាងត្បូង៖ ថ្មីៗនេះ ជាងថតរូបម្នាក់ បានផ្ដិតយករូបភាពដែលបង្ហាញពីស្ថានភាពរស់នៅរបស់ អ្នកធ្វើការ និងនិស្សិតមួយចំនួន ដែលមានប្រាក់ចំណូលទាប ត្រូវបង្ខំចិត្តរស់នៅក្នុងបន្ទប់ជួលដ៏តូចចង្អៀតសឹងតែរើខ្លួនមិនរួច។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើយោងតាមជាងថតរូបបានឲ្យដឹងថា បន្ទប់ជួលទាំងអស់នោះមានទំហំមិនលើសពី៥៤ហ្វីតការ៉េឡើយ (ជាង ១៦ម៉ែត្រការ៉េ)។ ជាទូទៅ វាមានភាពចង្អៀតកាន់តែខ្លាំង ដោយសារតែដាក់សម្លៀកបំពាក់ សៀវភៅ គ្រឿងសង្ហារិម និងសម្ភារប្រើប្រាស់ផ្សេងៗទៀត ហើយមានតែមនុស្សម្នាក់ប៉ុណ្ណោះ ដែលអាចរស់នៅក្នុងបន្ទប់នោះបាន។
ចំពោះបន្ទប់ដែលមានតុមួយ និងគ្រែមួយត្រូវបានដាក់ដំណើរការដំបូងបង្អស់ចុងឆ្នាំ១៩៧០ សម្រាប់និស្សិតមកពីខេត្ត ជួលស្នាក់នៅបណ្ដោះអាសន្នក្នុងតម្លៃថោកសមរម្យ។ មកទល់បច្ចប្បន្ននេះ វាក្លាយជាបន្ទប់ជួលដ៏ពេញនិយមសម្រាប់អ្នកធ្វើការ ដែលមិនមានប្រាក់គ្រប់គ្រាន់ជួលខុនដូស្នាក់នៅ។ បន្ទប់ជួលទាំងនោះ មានតម្លៃចន្លោះពី២សែនវ៉ុន ទៅ៣សែនវ៉ុន (ប្រមាណ១៦៨ដុល្លារអាមេរិក ទៅ២៥២ដុល្លារអាមេរិក) ក្នុងមួយខែ៕
សូមទស្សនារូបភាពខាងក្រោម៖