អ្នកណាមិនច្រណែន ពេលស្វាមីរបស់ ម៉ារីម៉ា សុខចិត្តអង្គុយចាំប្រពន្ធធ្វើខ្លួន គ្មានរអ៊ូសូម្បីបន្តិច

បរទេស៖ មួយរយៈចុងក្រោយនេះ តារាសម្ដែងស្រី ដ៏ល្បីល្បាញប្រចាំប្រទេសហ្វីលីពីន នាង Marian Rivera ហៅក្រៅថា ម៉ារីម៉ា បានធ្វើឲ្យហ្វេនៗ ចាំតាមដានពីជីវិតគ្រួសារ ដ៏ពោរពេញដោយសុភមង្គល ជាមួយនឹងស្វាមី និងកូនៗជានិច្ច។

លើសពីនេះ ម៉ារីម៉ា ត្រូវបានស្វាមីសង្ហា ចេះតាមយល់ចិត្តថ្នាក់ថ្នម មើលថែមិនឲ្យមានការទាស់ចិត្តទេ។ ជាក់ស្ដែង​ ថ្មីៗនេះដែរ តារាស្រីជនជាតិហ្វីលីពីនរូបនេះ បានបង្ហោះរូបថតមួយសន្លឹក ជាមួយស្វាមី នៅក្នុងហាងសាឡនមួយ មើលទៅយ៉ាងសាមញ្ញ តែពោរពេញដោយស្នាមញញឹម។

អ្វីដែលពិសេស តាមរយៈរូបថតមួយសន្លឹកនោះដែរ ស្វាមីរបស់ ម៉ារីម៉ា សុខចិត្តចំណាយពេលវេលាអង្គុយចាំភរិយា ធ្វើខ្លួនរាប់ម៉ោង គ្មានរអ៊ូសូម្បីមួយម៉ាត់។

ដោយឡែក ទោះជា ទង្វើបែបនេះមើលទៅ ធម្មតាមែនពិត តែបានធ្វើឲ្យអ្នកគាំទ្រ ទាំងអស់ឃើញហើយច្រណែន និងប្រាថ្នាចង់បានស្វាមីចេះយល់ចិត្ត គ្រប់បែបយ៉ាងបែបនេះណាស់៕