ភ្នំពេញ៖ កាលពីថ្ងៃទី០៤ ខែធ្នូ កន្លងទៅ ក្រុមហ៊ុន Mazda Cambodia បានប្រារព្ធកម្មវិធីដ៏អធិកអធមមួយ ដើម្បីប្រកាសចេញរថយន្តស៊េរីថ្មី ដល់ទៅ ២ ម៉ូដែលក្នុងថ្ងៃតែមួយ ដែលមានការចូលរួមពីទូតសុឆន្ទៈរបស់ក្រុមហ៊ុន Mazda ប្រចាំប្រទេសកម្ពុជា លោក ខេមរៈ សិរីមន្ត និងពីសំណាក់ភ្ញៀវកិត្តិយស សរុបជិត ១ពាន់នាក់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
រថយន្តដែលបានប្រកាសចេញ គឺសុទ្ធតែប្រភេទ SUV និងជាស៊េរីចុងក្រោយឆ្នាំ២០២០ ដោយម៉ូដែល The All New Mazda CX-30 ឆ្នាំ២០២០ គឺមានតម្លៃ ៥៦,០០០ ដុល្លារ និងម៉ូដែល CX-8 ឆ្នាំ២០២០ គឺមានតម្លៃ ៧៤,០០០ ដុល្លារ។
បើយោងតាមប្រសាសន៍របស់អ្នកស្រី អ៊ុន កញ្ញា ជាប្រធានគ្រប់គ្រងទូទៅរបស់ក្រុមហ៊ុន អេច ជី ប៊ី អូតូ ខូអិលធីឌី បានឱ្យដឹងថា៖
«រថយន្ត The All New Mazda CX-30 ជំនាន់ទី៧ ស៊េរីឆ្នាំ២០២០ បានបង្កេីតមកថ្មី និងមុខមាត់ទាក់ទាញនេះ កាន់តែទំនើប ស្រស់ស្អាត ស៊ីវីល័យ និងជាប្រភេទរថយន្តលំដាប់ Premium តាមរយៈការបង្កេីតរូបរាងថ្មី ភាពទំនើបនៃគំនិតរចនាបថ និងបច្ចេកវិទ្យាទំនេីបៗដេីម្បីបង្កេីននូវសុវត្តិភាពរថយន្ត។ ផ្នែកប៉ាណាខាងមុខមានលក្ខណៈជាសំណាញ់ រឹងមាំ ស្រស់ស្អាត អមជាមួយកាងដ៏លេចធ្លោ និងអំពូលភ្លេីងអូតូ LED (Adaptive LED Headlight) និងភ្លេីងរត់បំភ្លឺផ្លូវពេលថ្ងែ Day Running LED light»។
The All New Mazda CX-30 ជំនាន់ទី៧ រូបរាងថ្មីដែលលក់នៅប្រទេសកម្ពុជាជាប្រភេទ High Option មានម៉ាស៊ីនសាំងចំណុះ 2.0 លីត្រ Sky activ engine មានស៊ីឡាំងចំនួន៤ ភ្ជាប់ជាមួយប្រអប់លេខស្វ័យប្រវត្តិ ៦ លេខអូតូ និង ៦លេខដៃ ហើយផលិត និងនាំចូលពីប្រទេសជប៉ុនផ្ទាល់ ។ រថយន្តនេះបានបំពាក់បន្ថែមនូវបច្ចេកវិទ្យាថ្មី GVS plus ដេីម្បីបង្កេីនលំនឹងក្នុងការបើកបរ លេីសពីប្រព័ន្ធសុវត្ថិភាពផ្សេងៗ និងកាត់បន្ថយពុលឡាន ប្រព័ន្ធ Mazda Radar Cruise Control, smart city brake support ប្រព័ន្ធ Land Keep Assist Land departure warning system Driver Attention Alert ប្រព័ន្ធ Electric Parking Brake with Auto hold បូករួមពោងសុវត្ថិភាពចំនួន៧ កាមេរ៉ាសុវត្ថិភាព ៣៦០ដឺក្រេ អាចមើលជុំវិញរថយន្តទាំងមូល។
The All New Mazda CX-30 ជំនាន់ទី៧ ក៏មានបច្ចេកវិទ្យាទំនើបៗជាច្រើន ដោយបំពាក់នូវប្រព័ន្ធប្រើប្រាស់ដូចជា Smart Key Sensor មុខក្រោយជំនួយដល់ការចូលចត ផ្លិតទឹក Auto និងដំណើរការស្វ័យប្រវត្តិទៅតាមការកំណត់ កៅអីអង្គុយអ្នកបើកបរមានប៊ូតុងអាចសារ៉េបាន ៧បែបនិងអាចជ្រេីសរេីសកំណត់កៅអី memory seat ដល់ទៅ៤នាក់ និងមានMazda Connectivity Car Play/Android Auto ជាមួយ Speaker Bose ចំនួន ៧គ្រាប់ ដែលផ្តល់នូវសំលេងពីរោះរណ្តំ លេីសពីរថយន្តផ្សេងៗទៀត។ ចំណែកពូកស្បែកពណ៌សស្រស់ស្អាត Premium leather ទន់ ហើយចំណុចនីមួយៗនៃរថយន្ដ Mazda សេ៊រីថ្មីនេះដែរ សុទ្ធសឹងតែរចនាឡើងដោយភាពឥតខ្ចោះ នាំមកនៅភាពសប្បាយរីករាយក្នុងការបើកបរ ភាពទាន់សម័យ និងកាន់តែមានសុវត្ថិភាព។
ចំណែកម៉ូដែល CX-8 ឆ្នាំ ២០២០ មានដំណើរការដោយម៉ាស៊ីនសាំងចំណុះ ២,៥ លីត្រ ៤ ស៊ីឡាំង ជាម៉ាស៊ីនមានបច្ចេកវិទ្យា Sky Activ ដែលស៊ីប្រេងតិចដោយក្នុង ១០០ គ.ម ស៊ីប្រេងប្រហែល ៧លីត្រ ប៉ុណ្ណោះ។ ម៉ាស៊ីននេះភ្ជាប់នឹងប្រអប់លេខស្វ័យប្រវត្តិ ៦វគ្គ ជាមួយប្រព័ន្ធបើកបរវិលកង់ទាំងបួន (ប៉ុងពីរ)។
CX-8 ស៊េរីថ្មីអាចផ្ដល់ទំនុកចិត្តខ្ពស់ដល់អ្នកបើកបរ និងអ្នកដំណើរដោយសារវាមានបំពាក់បច្ចេកវិទ្យាសុវត្ថិភាពទំនើប មិនខុសពីម៉ូដែល CX-30 ឆ្នាំ២០២០ ខាងលើឡើយ។ បច្ចេកវិទ្យាសុវត្ថិភាពមានដូចជា ហ្វ្រាំង ABS និង EBD ប្រព័ន្ធទប់លំនឹងរថយន្ត TCS ប្រព័ន្ធ GVC Smart City Brake Support Lane Departure Warning Driver Attention Alert Lane Keep Assit Rear Cross Traffic Alert បូករួមពោងសុវត្ថិភាព ៦ និងកាមេរ៉ាមើលឃើញជុំវិញ ៣៦០ ដឺក្រេ ជាដើម។
បច្ចេកវិទ្យាទំនើបៗជាច្រើនទៀត ដែលមានលើ CX-8 ស៊េរីថ្មី មានដូចជា Smart Key Sensor មុខក្រោយជំនួយដល់ការចូលចត ម៉ាស៊ីនត្រជាក់ចែកចេញជា ៣តំបន់ កៅអីជួរក្រោយមានរន្ធ USB សម្រាប់សាកថ្មឧបករណ៍នានា កៅអីកម្ដៅសម្រាប់អ្នកបើកបរ និងអ្នកដំណើរខាងមុខ កៅអីអង្គុយអ្នកបើកបរមានប៊ូតុងអាចសារ៉េបានច្រើនបែប មាន Mazda Connectivity Car Play/Android Auto ជាមួយ Speaker Bose ចំនួន១០គ្រាប់ ដែលផ្ដល់នូវសម្លេងពីរោះរណ្ដំ និងចំណុចទំនើបៗជាច្រើនទៀត។
សម្រាប់ព័ត៌មានបន្ថែមអាចទាក់ទងទៅ៖
- ផ្ទះលេខ ៣៧៩
មហាវិថីសហព័ន្ធរុស្សី សង្កាត់កាកាប ខណ្ឌពោធិ៍សែនជ័យ ភ្នំពេញ លេខទូរស័ព្ទ 095 999 699/ 023 995 567/ 023
995 678/ 023 999 678។
- ផ្ទះលេខ ៧៥៧
មហាវិថីព្រះមុនីវង្ស បឹងត្របែក ខណ្ឌចំការមន ភ្នំពេញ លេខទូរស័ព្ទ 095 999 599/ 023 988 881/ 023
977 771/ 023 999 678 ឬចូលទៅផេកហ្វេសប៊ុក Mazda
Cambodia៕
Bong I.T