ឈុតនេះញាក់សាច់! ជម្រើស១១នាក់ដំបូងរបស់ក្រុមគោព្រៃកម្ពុជាដែលនឹងប្រកួតទល់នឹងក្រុមម៉ាឡេស៊ីនៅពេលបន្តិចទៀតនេះចេញមកហើយ ខណៈសៀង ចន្ធា និង កែវ សុខផេង ចាប់ដៃគ្នានៅតំបន់ប្រយុទ្ធ

ហ្វីលីពីន៖ ក្រុមជម្រើសជាតិកម្ពុជាអាយុក្រោម២២ឆ្នាំ នឹងត្រូវធ្វើការប្រកួតជាមួយនឹងក្រុមជម្រើសជាតិម៉ាឡេស៊ី ក្នុងព្រឹត្តិការណ៍ស៊ីហ្គេមលើកទី៣០ នៅម៉ោង៣បន្តិចទៀតនេះ ដែលជាការប្រកួតជុំចុងក្រោយក្នុងពូល A។

លោក Felix ដែលជាគ្រូកម្ពុជាបានប្រើទម្រង់លេង 4-2-3-1 ក្នុងប្រកួតនេះ ដោយជម្រើស១១នាក់ដំបូងរួមមាន អ្នកចាំទីកែវ សុខសិលា ចំណែកឯតំបន់ការពារមានកីឡាករ សឿត បារាំង កីឡាករ ទេស សម្បត្តិ កីឡាករ អ៊ុក សុវណ្ណ និងកីឡាករ សេត​ រ៉ូហ្ស៊ីប រីឯតំបន់បម្រើកណ្ដាល២រូបមាន កីឡាករ កាន់ ពិសាល និងប្រធានក្រុមកីឡាករ អន ចាន់ប៉ូលីន និងបម្រើប្រយុទ្ធ៣រូបមាន កីឡាករ សៀង ចន្ធា កីឡាក អិន សុដេវីដ និងកីឡាករ រឹង ប៊ុនហៀង រីឯខ្សែប្រយុទ្ធទោលគឺកីឡាករ កែវ សុខផេង។

ប្រភព៖ សហព័ន្ធកីឡាបាល់ទាត់កម្ពុជា