ភ្នំពេញ៖ ដូចដែលប្រិយមិត្តទាំងអស់បានជ្រាបហើយថា ស្មាតហ្វូន realme ដែលទើបតែសម្ពោធថ្មីៗកន្លងទៅនេះ ទទួលបានការគាំទ្រឡើងកក្រើកទីផ្សារ ជាពិសេសសម្រាប់អ្នកចូលចិត្តបច្ចេកវិទ្យាទំនើបថ្មីៗ។ ហ្វេនដែលស្រលាញ់ស្មាតហ្វូន realme ពេញចិត្តពេញថ្លើមមែនទែន ទាំងរូបរាងនៅលើតួខ្លួន realme5/realme5Pro។ អ្វីដែលបង្កឲ្យមានភាពចាប់អារម្មណ៍ខ្លាំងនោះ គឺ ដោយសារតែម៉ូឌែល realme 5 Pro មានលក្ខណៈសម្បត្តិល្អ បន្ទះឈីបខ្លាំង កាមេរ៉ាក្រោយ៤គ្រាប់ និងបច្ចេកវិទ្យាសាកថ្មល្បឿនលឿន VOOC Flash Charge ជំនាន់ 3.0 បន្ថែមទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចំណែក realme 5 វិញក៏មិនអន់ដែរ ព្រោះមិនត្រឹមតែជាស្មាតហ្វូនដែលមានតម្លៃសមរម្យ និងញាក់សាច់នៅក្នុងទីផ្សារទូរស័ព្ទប្រទេសកម្ពុជានោះទេ តែវាមានលក្ខណៈសម្បត្តិពេញទំហឹង ទាំងបន្ទះឈីបខ្លាំង កាមេរ៉ាក្រោយ៤គ្រាប់ និងកាន់តែពិសេសនោះ គឺវាមានទំហំថ្មធំដល់ទៅ 5000mAh។
សូមក្រឡេកមើល៖
- ផ្នែកកាមេរ៉ា
realme 5 បាននាំយកមកជាមួយនឹងកាមេរ៉ាក្រោយ៤គ្រាប់ មកបំពាក់លើស្មាតហ្វូនដែលមានតំលៃសមរម្យ មិនខ្លាចនឹងចំណាយលុយទិញឡើយ។ កាមេរ៉ាខាងក្រោយនេះមានដូចជា កាមេរ៉ាទី១ ទំហំ 12MP ជាកាមេរ៉ាគោល កម្រិត f/1.8។ កាមេរ៉ាទី២ សម្រាប់ថតរូបទូលាយ Ultra-wide Angle ថតបាន ១១៩ដឺក្រេ។កាមេរ៉ាទី៣ សម្រាប់ថតរូបជិតក្នុងចំងាយ ៤សង់ទីម៉ែត្រ និង កាមេរ៉ាចុងក្រោយសម្រាប់គណនាជម្រៅរូបភាពឲ្យកាន់តែលេចធ្លោពេលថតរូបបែប Portrait ដ៏ពេញនិយម។
កាមេរ៉ាគោលរបស់ realme5 នេះមានសមត្ថភាពជួយទប់លំនឹងរូបភាព ចំណែកកាមេរ៉ាថតរូបប្លង់ទូលាយអាចឲ្យលោកអ្នកចាប់យករូបភាពកាន់តែធំជាងមុន មិនឲ្យដាច់គែមសងខាងដូចពេលមុនទៀតឡើយ។ ចំណែកកាមេរ៉ា Macro វិញប្រើដើម្បីថតរូបជិតសាកសមនៅពេលដែលលោកអ្នកចង់ផ្តិតយករូបភាពដែលតូច និងកៀកជិតខ្លាំង។ លោកអ្នកក៏អាចថតរូបភាពពេលងងឹតបានដែរ ដោយមុខងារ Nightscape និង Chroma Boost ដែលអាចឲ្យលោកអ្នកថតរូបភាពបានក្នុងកម្រិត 4K បានដល់ 30fps និងកម្រិត 240fps សម្រាប់វីដេអូយឺត slow-motion ក្នុងគុណភាពកម្រិត 720p។
ចំណែកកាមេរ៉ាមុខសម្រាប់ថតរូប selfie ទំហំ 13MP ដែលមានរាងជាស្ទាយ៍តំណក់ទឹកឡើង Cute វិញ គឺស្ថិតនៅលើអេក្រង់ខាងមុខ មើលទៅកាលីបមែនទែន។ កាមេរ៉ានេះជាប្រភេទ AI ដែលអាចជួយកែខៃសម្រស់លោកអ្នកកាន់ស្អាតផងដែរ។
- សមត្ថភាពដំណើរការ
realme 5 បំពាក់ដោយបន្ទះឈីបប្រតិបត្តិការ Qualcomm Snapdragon 665 ដែលទើបតែប្រកាសថ្មីៗនេះ។ សូមបញ្ជាក់ថាបន្ទះឈីប Qualcomm ជំនាន់ទី 3 AI Engine គឺជាអង្គហេតុដែលធ្វើឲ្យ SD 665 នេះ អាចផ្តល់ជូននូវការបញ្ចេញរូបភាពបានកាន់តែច្បាស់ ជាមួយនឹងដំណើរការកាមេរ៉ាកាន់តែរលូន។
- ទំហំថ្ម
ស្មាតហ្វូន realme 5 មកជាមួយទំហំថ្មធំរហូតដល់ 5000mAh តែមិនមានបច្ចេកវិទ្យាសាកថ្មល្បឿនលឿននោះទេ។ ប៉ុន្តែតាមដឹងអ្វីដែលក្រុមហ៊ុន realme ធ្លាប់បានបញ្ចាក់គឺថា ស្មាតហ្វូននេះអាចធន់នឹងការឡើងកម្តៅរហូតដល់ ៤៩ម៉ោងនៅលើការសន្ទនាគ្នា ហើយ១២ម៉ោងសម្រាប់ការមើលវីដេអូលើ YouTube និង ១៥៦ម៉ោងសម្រាប់ស្តាប់ចម្រៀងតាមកាសត្រចៀកផងដែរ។
យោងតាមការប្រើប្រាស់របស់អតិថិជនផ្ទាល់បានឲ្យដឹងថា វាអាចប្រើបានរហូតដល់២ថ្ងៃ ក្នុងលក្ខខណ្ឌប្រើប្រាស់ល្អគួរសម តែក្នុងការប្រើប្រាស់ច្រើនរាប់បញ្ចូលទាំងការលេងហ្គេម PUBG និង កិច្ចសន្ទនាយូរជាងនេះ យើងអាចប្រើប្រាស់បានត្រឹមមួយថ្ងៃពេញប៉ុណ្ណោះ ដែលនេះគឺជារឿងល្អមួយដែលធ្វើឲ្យហ្វេនៗ មិនចាំបាច់ពិចារណាយូរឡើយ ក្នុងការជាវវាយកទៅធ្វើជាសំណព្វចិត្តឆ្នាំថ្មី។
សរុបសេចក្តីមកឃើញថា ស្មាតហ្វូន realme5 ជាជម្រើសស្មាតហ្វូនមួយ ដែលអាចឲ្យលោកអ្នក រីករាយក្នុងការប្រើប្រាស់បច្ចេកវិទ្យាទំនើបល្អ ទាំងកាមេរ៉ា ៤គ្រាប់ ទំហំថ្មធំ 5000mAh និងបន្ទះឈីបប្រតិបត្តិការល្អ ដោយមិនចាំបាច់ចំណាយច្រើននោះឡើយ។ អ្វីដែលកាន់តែពិសេសនៅពេលនេះ គឺ realme5 មានមួយប្រភេទទៀត (Option ថ្មី) ដែលមាន RAM3GB + ROM 64GB ROM លក់ក្នុងតម្លៃត្រឹមតែ 159$ តែប៉ុណ្ណោះ ដែលអតិថិជនអាចរកទិញបានចាប់ពីថ្ងៃទី០៦ ខែធ្នូ ២០១៩ នេះតទៅ។ ចំពោះលក្ខណៈសម្បត្តិដទៃទៀត គឺដូចគ្នាទាំងអស់ទៅហ្នឹង realme5 Option ដើមដដែល។
ដូច្នេះចាំអង្កាល់ទៀត ចង់ក្លាយជាម្ចាស់ស្មាតហ្វូនតម្លៃត្រឹមតែ 159$ សមត្ថភាពអេមៗបែបនេះ គឺជារឿងដែលល្អបំផុតសម្រាប់អ្នកគ្រប់គ្នាហើយ៕