ហ្វីលីពីន៖ ការចាប់ឆ្នោតរកដៃគូសម្រាប់ការប្រកួតវិញ្ញាសាគុនខ្មែររបស់កីឡាករ និងកីឡាការិនីទាំង៥រូបរបស់កម្ពុជា នៅក្នុងព្រឹត្តិការណ៍កីឡាស៊ីហ្គេមលើកទី៣០ បានរកឃើញហើយកាលពីម្សិលមិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលទ្ធផលចាប់ឆ្នោតមានដូចតទៅ៖
បុរស
- ហ៊ីម គីមរៀង vs Naruephon Chittra (ថៃ) ប្រភេទទម្ងន់ ៤៨គីឡូក្រាម
- វ៉ាន់ វឿន vs Nguyen Quang Huy (វៀតណាម) ប្រភេទទម្ងន់ ៥៤គីឡូក្រាម
- តាញ់ មករា vs Kay Ketnouvong (ឡាវ) ប្រភេទទម្ងន់ ៥៧គីឡូក្រាម
- ឡៅ ចិត្រា vs Soubin Banxadeth (ឡាវ) ប្រភេទទម្ងន់ ៦៣,៥គីឡូក្រាម
នារី
- សម ថារ័ត្ន vs Bui Yen Ly (វៀតណាម) ប្រភេទទម្ងន់ ៥៤គីឡូក្រាម
គួរឲ្យដឹងដែរថា សម្រាប់ដៃគូរបស់ ឡៅ ចិត្រា កីឡាករឡាវ Soubin Banxadeth ធ្លាប់ប៉ះអ្នកប្រដាល់មកពីក្លិបឆ័ត្រយោង៩១១ ម្ដងរួចទៅហើយកាលពីខែមីនា កន្លងទៅនៅសង្វៀនរបស់ប៉ុស្ដិ៍ CNC ដោយកាលនោះ ចិត្រា បានវាយឲ្យសន្លប់នៅក្នុងទឹកទី២ ដោយផ្លែជង្គង់។
បើតាមប្រសាសន៍របស់ឯកឧត្តម ហេង សុខឃន អនុប្រធានសហព័ន្ធកីឡាគុនខ្មែរ និងជាប្រធានប្រតិភូដឹកនាំកីឡាករគុនខ្មែរចេញទៅស៊ីហ្គេម បានឲ្យដឹងថាតាមរយៈលទ្ធផលនៃការចាប់ឆ្នោត កីឡាករ ហ៊ីម គីមរៀង បានកក់មេដាយសំរឹទ្ធ ១គ្រឿងរួចជាស្រេចនៅក្នុងដៃ៕