កាមេរូន៖ ខណៈពេលមនុស្សជាច្រើនកំពុងដោះស្រាយបញ្ហានៃបម្រែបម្រួលអាកាសធាតុនៅក្នុងបរិស្ថាន យើងក៏ត្រូវរកវិធានការផ្សេងៗទៀតដើម្បីជួយសង្គ្រោះភពផែនដីយើងដែរ។ បើយោងតាមរបាយការណ៍របស់សារព័ត៌មាន Good News Network បានចេញផ្សាយថា កាកសំណល់ប្លាស្ទិកតែងតែជាសត្រូវដ៏អាក្រក់បំផុតនៃបរិស្ថាន ប៉ុន្តែមានបុរសម្នាក់​កំពុងធ្វើឱ្យមានភាពខុសប្លែកគ្នាយ៉ាងខ្លាំងដោយប្រែក្លាយកាកសំណល់ប្លាស្ទិកទាំងអស់នោះទៅជារបស់ដែលមានប្រយោជន៍។

យុវជនរូបនេះមកពីប្រទេសកាមេរូនបាននិងកំពុងធ្វើការដោះស្រាយជាមួយបញ្ហាសំរាម និងការបំពុលបរិស្ថាននៅក្នុងទីក្រុងដែលគាត់រស់នៅ។ រូប​គាត់រួមនឹងក្រុមអ្នកស្ម័គ្រចិត្តបានធ្វើការប្រមូលដបប្លាស្ទិកទាំងនោះផលិតជាទូកសំរាប់អ្នកនេសាទ។ លោក Ismaël Essome Ebone ​បានបំផុសគំនិតឱ្យ​ផលិត 'Eco boats' (ទូកបរិស្ថាន) ទាំងនេះកាលពីឆ្នាំ២០១១ តាំងពីពេលដែលគាត់ជាសិស្សនៅឡើយ។

សកម្មភាពក្រុមអ្នកស្ម័គ្រចិត្តកំពុងប្រមូលដបប្លាស្ទិច

អ្នកច្នៃប្រឌិតវ័យក្មេងរូបនេះបានមើលឃើញ ដបប្លាស្ទិកមួយចំនួនធំអណ្តែតចូលទឹកទន្លេបន្ទាប់ពីមានទឹកភ្ញៀងហូរវាយកទៅ​។ គាត់ដឹងថាចំនួនដបប្លាស្ទិកដែលគាត់បានឃើញនោះជាបញ្ហាគួរឲ្យព្រួយបារម្ភ ទើបគាត់សម្រេចចិត្តយកវាមកធ្វើជាទូកចេញពីដបប្លាស្ទិកដែលគាត់បានប្រមូលពីទីក្រុងមក។ គាត់បានផលិតវាចំនួន ៣៧គ្រឿង ក្នុងចំណោមដបប្លាស្ទិកដែលប្រមូលបានចំនួន ២,៤០០ចេញពីទន្លេ ហើយទូក​ដែលគាត់ផលិតពិតជាល្អណាស់សម្រាប់អ្នកនេសាទប្រើប្រាស់ដោយភាពភ្ញាក់ផ្អើល។

ទូកបរិស្ថាន

តាមរយៈការមើលឃើញលទ្ធផលល្អដូច្នេះហើយ ទើបគាត់បានសម្រេចចិត្តវិនិយោគលើគំនិតនេះហើយបានចាប់ផ្តើមបង្កើតអង្គការមិនរកប្រាក់ចំណេញមួយដែលមានឈ្មោះថា Madiba & Nature ដែល​មានគោលដៅប្រមូលសំរាមប្លាស្ទិកនៅក្នុងតំបន់ ដើម្បីប្រែក្លាយវាទៅជាទូកសម្រាប់អ្នកនេសាទដែលត្រូវការវា ព្រមជាមួយនឹងគោលបំណងលុបបំបាត់ចោលសំរាមផ្លាស្ទិកចេញពីទីប្រជុំជន និងតំបន់ផ្សេងៗទៀតផងដែរ៕

ទូកបរិស្ថាន
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]