ខៀវ សានសាណា ត្រូវបានជ្រើសរើសឱ្យធ្វើជាពិធីការិនី នៅក្នុងកិច្ចប្រជុំកំពូលអាស៊ីប៉ាស៊ីហ្វិក ឆ្នាំ២០១៩!

ភ្នំពេញ៖ កាលពីថ្ងៃទី១៩ ខែវិច្ឆិកា កន្លងទៅថ្មីៗនេះ អ្នកនាង ខៀវ សានសាណា ត្រូវបានជ្រើសរើសឱ្យធ្វើជាពិធីការិនី នៅក្នុងកិច្ចប្រជុំកំពូលអាស៊ីប៉ាស៊ីហ្វិក។ កិច្ចប្រជុំកំពូលនេះទទួលបានការចូលរួមពីថ្នាក់ដឹកនាំកំពូលរបស់ព្រះរាជាណាចក្រកម្ពុជា ដែលមាន សម្តេចអគ្គមហាសេនាបតីតេជោ ហ៊ុនសែន និងប្រមុខរដ្ឋ ប្រមុខរដ្ឋាភិបាល នៃបណ្តាប្រទេសជាច្រើនទៀត។

ក្នុងកំឡុងពេលដំណើរការប្រជុំកិច្ចកំពូលអ្នកនាង ខៀវ សានសាណា បានធ្វើកិច្ចការយ៉ាងល្អឥតខ្ចោះ ជាមួយនឹងដៃគូដ៏ពូកែមួយរូបទៀតជាជនជាតិនេប៉ាល់។ ភ្ញៀវកិត្តិយសជាច្រើននាក់នៅទីនោះបានកោតសរសើរមិនដាច់ពីមាត់នូវសមត្ថភាពពូកែ រវៀសរវៃ អាចបត់បែនតាមសភាពការបានយ៉ា៉ងល្អបំផុត។ អ្នកនាង ខៀវ សានសាណា ត្រូវបានមហាជនស្រលាញ់គាំទ្រ និងកោតសរសើរយ៉ា៉ងខ្លាំងនៅក្នុងសមត្ថភាពប្រើប្រាស់ភាសារខ្មែរ អង់គ្លេស និងថៃ បានយ៉ា៉ងស្ទាត់ជំនាញ។

អ្នកនាង ខៀវ សានសាណា បានប្រើប្រាស់ជីវិតនៅក្នុងវិស័យសិល្បៈរយៈពេល ១៨ ឆ្នាំមកហើយដោយនៅតែបន្តទទួលបានប្រជាប្រិយភាពឥតឈប់ឈរ ជាពិសេសអ្នកនាងស្ថិតនៅជាពិធីការិនីជួរមុខក្នុងទីផ្សារ ហើយទទួលបានសុទ្ធតែការងារលំដាប់ខ្ពស់ៗ ស្ទើរតែគ្រប់កម្មវិធីទាំងអស់។

សូមប្រិយមិត្តមកតាមដានទស្សនារូបភាព និងសកម្មភាពរបស់អ្នកនាង ខៀវ សានសាណា នៅក្នុងកិច្ចប្រជុំកំពូលអាសុីប៉ាសុីហ្វិក ឆ្នាំ២០១៩ នៅវិមានសន្តិភាពដូចខាងក្រោម៖