កំពុងស្រែកសប្បាយសុខៗ ស្រាប់តែរបូតរនាំងដែកការពារ ធ្លាក់ពីលើឧបករណ៍ជិះកម្សាន្ត (មានវីដេអូ)

WARNING: Dangerous Incident. Viewer discretion is advised.

ថៃ៖ កាលពីថ្ងៃទី៣០ ខែវិច្ឆិកា ឆ្នាំ២០១៩កន្លងទៅនេះ ឧបករណ៍ជិះកម្សាន្តទោងវិល បានរបូតរនាំងដែកការពារ បណ្ដាលឲ្យធ្លាក់អ្នកជិះ។ ហេតុការណ៍នេះបានកើតឡើងនៅសួនកម្សាន្តមួយកន្លែង ក្នុងខេត្ត Lopburi ប្រទេសថៃ។

យោងតាមវីដេអូបានបង្ហាញឲ្យឃើញថា បន្ទាប់ពីឧបករណ៍ជិះកម្សាន្តទោងវិល ចាប់ផ្តើមវិលបានបីជុំរួចមក ស្រាប់តែរនាំងដែកដែលគេចាក់កន្លឹះជាប់ការពារសុវត្ថិភាពបានរបូត បណ្ដាលឲ្យអ្នកជិះ ធ្លាក់ចេញពីកៅអីរបស់ពួកគេទៅខាងក្រោម។ ឃើញដូច្នេះ អ្នកដែលនៅជុំវិញនោះ បានតក់ស្លុត និងស្ទុះចូលទៅជួយ ហើយអ្នកបញ្ជាឧបករណ៍ជិះកម្សាន្តក៏បានចុចប៊ូតុងបញ្ឈប់ផងដែរ។ ក្មេងប្រុសម្នាក់បានធ្លាក់មកលើដី បណ្ដាលឲ្យបែកក្បាលហូរឈាមយ៉ាងខ្លាំង។

ប្រភពបានឲ្យដឹងដែរថា ស្ត្រីបួននាក់បានធ្លាក់ ទៅបុកនឹងចង្រឹងដែកដែលនៅខាងក្រោម ប៉ុន្ដែមិនបានរងរបួសធ្ងន់ធ្ងរឡើយ។ រថយន្ដសង្គ្រោះបន្ទាន់បានមកដល់កន្លែងកើតហេតុ ហើយបាននាំអ្នករងរបួសទៅមន្ទីរពេទ្យដែលនៅជិតបំផុត។

ជុំវិញហេតុការណ៍ខាងលើនេះ មិនមាននរណាម្នាក់ស្លាប់ ឬរងរបួសធ្ងន់ធ្ងរទេ ហើយមន្ត្រីរដ្ឋាភិបាលក្នុងតំបន់ក៏កំពុងរៀបចំស៊ើបអង្កេតទៅលើឧបរណ៍ជិះកម្សាន្តនោះផងដែរ៕

សូមទស្សនារូបភាពនិងវីដេអូខាងក្រោម៖

• វីដេអូ