ចូលតួសាហាវ! ពេជ្រ សោភា សម្តែងបទថ្មីជាមួយ ខេមរៈ សិរីមន្ត សម្រក់ទឹកភ្នែកលើឆាក យ៉ាងកម្សត់(មានវីដេអូ)

ភ្នំពេញ៖ តារាចម្រៀងប្រុសស្រី អ្នកនាងពេជ្រ សោភា និងលោកខេមរៈ សិរីមន្ត បានចាប់ដៃគ្នាជាលើកដំបូង នៅក្នុងការបញ្ចេញបទចម្រៀងរួមគ្នា«ប្រពន្ធបទមិនល្អមែនទេ?» ដែលទទួលបានការគាំទ្រយ៉ាងខ្លាំងពីហ្វេនៗ​ ជាមួយនឹងអត្ថន័យយ៉ាងចាក់ដោត។

ជាក់ស្តែងកាលពីពេលថ្មីៗនេះ តារាទាំង២ដួងនេះបានធ្វើការលេចមុខនៅក្នុងការប្រគំតន្រ្តីរួមគ្នា ដែលក្នុងនោះអ្នកទាំងពីរក៏មិនភ្លេចជ្រើសយកនូវបទចម្រៀងរបស់ខ្លួនដែលកំពុងតែផ្ទុះមកច្រៀងនៅលើឆាកមួយនេះ ដែលធ្វើឲ្យហ្វេនជាច្រើនពិតជាពេញចិត្តយ៉ាងខ្លាំង។

ក៏ប៉ុន្តែអ្វីដែលកាន់តែចាប់អារម្មណ៍ខ្លាំងនោះគឺ អ្នកទាំងពីរបានធ្វើការបញ្ចេញនូវការសម្តែងយ៉ាងស៊ីចង្វាក់គ្នា និងចូលតួមិនធម្មតា ដែលតារាស្រី អ្នកនាងពេជ្រ សោភា បានបង្ហូរទឹកភ្នែកនៅកណ្តាលឆាក ជាមួយនឹងការសម្តែងដ៏ប្លែកមួយនេះ។

ទន្ទឹមនឹងការសម្តែងរបស់តារាពីរដួងនេះបានធ្វើឲ្យអ្នកទស្សនាដោយផ្ទាល់នាំគ្នាស្រែកគាំទ្រគ្រប់គ្នា​ មិនត្រឹមតែប៉ុណ្ណោះ អ្នកលេងតាមបណ្តាញសង្គមមួយចំនួន ក៏បាននាំគ្នាសរសើរពីទេពកោសល្យនៃការសម្តែងរបស់នាងផងដែរ៕

សូមទស្សនាវីដេអូខាងក្រោមនេះ ដើម្បីជ្រាបច្បាស់៖