មោទកភាពខ្មែរ! កម្ពុជា រកបានមេដាយមាសទី១ ក្នុងព្រឹត្តិការណ៍ស៊ីហ្គេម មុននេះបន្តិច

ហ្វីលីពីន៖ បើតាមការបង្ហោះនៅលើទំព័រ Facebook ផ្លូវការរបស់ Cambodia SEA GAMES 2023 កម្ពុជា យកបានមេដាយមាស ១គ្រឿងហើយ ក្នុងព្រឹត្តិការណ៍កីឡាស៊ីហ្គេមលើកទី៣០ ដែលប្រទេសហ្វីលីពីនធ្វើជាម្ចាស់ផ្ទះ។

មេដាយមាស ១គ្រឿងនោះរកបានដោយកីឡាករ យ៉ុង ម៉េងលី លើប្រភេទកីឡាប្រពៃណី Arnis សម្រាប់ការប្រកួតនៅថ្ងៃទី២ ធ្នូ។ កាលពីម្សិលមិញ យ៉ុង ម៉េងលី ក៏រកបានមេដាយប្រាក់ឲ្យកម្ពុជាបាន ១គ្រឿងដែរ នៅលើប្រភេទកីឡា Arnis នេះដូចគ្នា។

គួរឲ្យដឹងដែរថា ប្រភេទកីឡា Arnis នេះគឺប្រភេទកីឡាគុនដំបងមួយរបស់ប្រទេសហ្វីលីពីន ដែលមានលក្ខណៈប្រហាក់ប្រហែលទៅនឹងក្បាច់គុនល្បុកត្តោរបស់កម្ពុជា៕