ពាណិជ្ជករ និងប្រតិបត្តិករ ប្រមាណ១០០នាក់ ជួបជុំគ្នាពិភាក្សាគ្នាបង្កើតឱកាសធ្វើពាណិជ្ជកម្មបែបពិព័រណ៍!

«កិច្ចជំនួបគ្នា និងពិភាក្សាគ្នាមួយនេះ គឺមានសារៈសំខាន់ និងទទួលបានអត្ថប្រយោជន៍ជាច្រើន ដែលក្រៅពីអាចបង្កើតទំនាក់ទំនងនៅក្នុងកិច្ចប្រកបអាជីវកម្ម និងមុខជំនួញ ថែមទាំងអាចស្វែករកដៃគូវិនិយោគជាមួយគ្នាថែមទៀតផង»។

«តាមរយៈកម្មវិធីមួយនេះ វាជាការផ្តល់ឱកាសពិសេសសម្រាប់បណ្តាសហគ្រិននានានៅក្នុងស្រុក ដើម្បីតភ្ជាប់ជាមួយនឹងសហគ្រិនមកពីបណ្តាប្រទេសដទៃទៀតធ្វើជាដៃគូអាជីវកម្ម និងផ្លាស់ប្ដូរមុខទំនិញរវាងគ្នាទៅវិញទៅមក»។

«ចាប់ពីខែកុម្ភៈ ឆ្នាំ២០២០ ខាងមុខនេះមជ្ឈមណ្ឌលពាណិជ្ជកម្ម និងពិព័រណ៍ B2B Park នឹងមានការរៀបចំពិព័រណ៍បែបពាណិជ្ជកម្ម រៀងរាល់មួយខែម្ដងដែលមានអ្នកចូលរួមសុទ្ធតែជាពាណិជ្ជករ និងនាំយកបណ្តាផលិតផលនានាមកដាក់តាំងបង្ហាញ ដើម្បីស្វែងរកដៃគូក្នុងការចែកចាយទៅកាន់ទីផ្សារឱ្យបានទូលំទូលាយ»។

«ខ្ញុំធ្លាប់ចូលរួមនៅក្នុងកម្មវិធីជាច្រើន ដែលជជែកពីការវិនិយោគផ្នែកពាណិជ្ជកម្ម និងទេសចរណ៍នៅតាមបណ្តាប្រទេសនានា ប៉ុន្តែពេលនេះនៅក្នុងប្រទេសកម្ពុជាក៏អាចរៀបចំកម្មវិធីបែបនេះបានដូចគ្នា»។

«ការបង្កើតឱកាសឱ្យមានការជួបជុំគ្នារវាងអ្នកពាណិជ្ជករ និងប្រតិបត្តិករ ដែលជាភាគីអ្នកលក់ និងអ្នកទិញនេះ គឺមានសារៈសំខាន់បំផុត ហើយនាងខ្ញុំសូមគាំទ្រឱ្យមានកម្មវិធីបែបនេះច្រើនបន្ថែមទៀត ដើម្បីចូលរួមលើកស្ទួយវិស័យពាណិជ្ជកម្ម និងពិព័រណ៍ឱ្យមានភាពល្អ្រសើរ ហើយវាក៏បានចូលរួមចំណែកនៅក្នុងការជំរុញវិស័យទេសចរណ៍ផងដែរ»។

«ការរៀបចំនេះ គឺមានសារៈសំខាន់ណាស់សម្រាប់វិស័យឯកជន ដោយក្នុងនាមយើងជាពាណិជ្ជករ គឺត្រូវធ្វើឡើងដោយខ្លួនឯង ជាជាងរង់ចាំការបើកឱកាសពីសំណាក់រដ្ឋាភិបាល។ តាមរយៈកម្មវិធីនេះ សម្រាប់អ្នកដែលមានដៃគូសហការជាមួយរួចហើយនោះ គឺអាចបង្កើនកិច្ចទំនាក់ទំនង និងបន្តកិច្ចសហការបន្ថែមទៀត ដោយឡែកចំពោះអ្នកដែលមិនទាន់មានដៃគូ ពួកគាត់អាចស្វែងយល់ និងស្វែងរកដៃគូអាជីវកម្មនៅក្នុងកម្មវិធីនេះ»។

«នៅពេលដែលវិស័យឯកជនមានការខិតខំប្រឹង នោះរដ្ឋាភិបាលក៏នឹងបង្កើនកិច្ចការជួយសម្របសម្រួល និងបើកឱកាសកៀងគរបណ្តាអ្នកវិនិយោគ និងក្រុមហ៊ុនអន្តរជាតិនានាឱ្យចូលមកកាន់កម្ពុជាបន្ថែមទៀត ដែលកាន់តែធ្វើឱ្យកិច្ចប្រកបមុខជំនួញ ក៏ដូចជាពាណិជ្ជកម្មក្នុងស្រុកកាន់តែមានភាពល្អប្រសើរ»៕