អូស្ត្រាលី៖ កាលពីថ្ងៃអាទិត្យម្សិលមិញ នៅរដ្ឋ New South Wales នៃប្រទេសអូស្ត្រាលីបានតម្លើងកាមេរ៉ាដែលមានសមត្ថភាពខ្ពស់អាចដានដានសកម្មភាពអ្នកដែលប្រើប្រាស់ទូរសព្ទពេលកំពុងបើកបរបាន។ លោក Andrew Constance ដែលជាមន្ត្រីក្រសួងសាធារណការ និងដឹកជញ្ជូនបានឲ្យដឹងថា វាជាបច្ចេកវិទ្យាកាមេរ៉ាដំបូងបំផុតដែលអាចចាប់បានអ្នកដែលប្រើទូរសព្ទខុសច្បាប់។ កាមេរ៉ាទាំងនេះបានប្រើប្រាស់បញ្ញាសិប្បនិម្មិត (AI) ដើម្បីឃ្លាំមើលរាល់សកម្មភាពទាំងឡាយរបស់អ្នកបើកបរជាពិសេសការប្រើប្រាស់ទូរសព្ទតែម្ដង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរូបភាពដែលចាប់បាននឹងត្រូវបានត្រួតពិនិត្យមើលដោយមន្ត្រីថ្នាក់ជំនាញ ហើយរូបភាពទាំងនោះនឹងត្រូវបានគ្រប់គ្រងនិងរក្សាទុក។ ប្រហែល៣ឆ្នាំខាងមុខកាមេរ៉ា ៤៥គ្រឿងទៀតនឹងត្រូវបានតម្លើងពេញទាំងរដ្ឋនេះតែម្ដង ហើយចំពោះទីតាំងវិញគឺមិនត្រូវបានបង្ហើបឲ្យដឹង និងមិនមានស្លាកសញ្ញាព្រមាននៅក្បែរកាមេរ៉ាទាំងនោះទេ។ បីខែដំបូងអ្នកបើកបរល្មើសច្បាប់ដែលចាប់បានដោយកាំមេរ៉ានឹងទទួលលិខិតព្រមាន បន្ទាប់មកបើនៅតែប្រឆាំងនឹងត្រូវពិន័យជាប្រាក់ ៣៤០ដុល្លារ ឬ៤៥៧ដុល្លារ ចំពោះការល្មើសច្បាប់ក្នុងតំបន់មានសាលារៀន។
ការទទួលទូរសព្ទមិនខុសច្បាប់លុះត្រាណាតែអ្នកបើកបរប្រើប្រាស់កាស។ ចំពោះការតេជាវីដេអូ ប្រើប្រាស់បណ្ដាញសង្គម ថតរូបភាព ឬចាក់បទចម្រៀងពេលកំពុងប្រើយានយន្តដែលមិនខុសច្បាប់លុះត្រាណាតែអ្នកបើកបរបានចតយានជំនិះរបស់ខ្លួនក្រៅពីផ្លូវដែលកំពុងធ្វើចរាចរណ៍៕