បាងកក៖ ការប្រកួតប្រដាល់សេរី ក្នុងកម្មវិធី Muay Hardcore របស់ស្ថានីយ៍ទូរទស្សន៍ប៉ុស្ដិ៍លេខ៨ថៃ នៅប្រទេសថៃកាលពីយប់មិញនេះ កីឡាករកម្ពុជា កែវ សំរឹទ្ធិ បានប្រកួតចាញ់កីឡាករម្ចាស់ផ្ទះថៃ KAENGSAPHUE ដោយសន្លប់នៅក្នុងទឹកទី១។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការប្រកួតរវាងកីឡាករទាំងពីរធ្វើឡើងនៅក្នុងប្រភេទទម្ងន់ ៦៥គីឡូក្រាម និងមានតែ៣ទឹកប៉ុណ្ណោះ។ គ្រាន់តែចាប់ផ្ដើមទឹកទី១ភ្លាម កីឡាករទាំងពីរបានសម្រុកគ្នាយកខ្លាំងតែម្ដងតាមរយៈការម៉ាត់ និងទាត់។ យ៉ាងណាមិញ ចូលមកដល់ពាក់កណ្ដាលទឹក កីឡាករថៃ KAENGSAPHUE បានទាត់ចូលពេញកណ្ដាលមុខរបស់ កែវ សំរឹទ្ធិ ធ្វើឲ្យដួលសន្លប់តែម្ដង៕