ទោះរវល់យ៉ាងណា! ឆន សុវណ្ណរាជ ប្រើពេលមានតម្លៃ មើលថែអ្នកម្តាយ កំពុងធ្លាក់ខ្លួនឈឺ យ៉ាងប្រពៃ!

ភ្នំពេញ៖ ទោះបីជាមានភាពមមាញឹកខ្លាំងបែបណាក្តី ក៏ប៉ុន្តែឃើញថាតារាចម្រៀងប្រុសដ៏មានប្រជាប្រិយភាព លោកឆន សុវណ្ណរាជ តែងតែចំណាយពេលនៅជាមួយអ្នកមានគុណគ្រប់ពេល ធ្វើឲ្យអ្នកគាំទ្រជាច្រើនពិតជាសរសើរដល់លោកគ្រប់គ្នា។

ជាក់ស្តែងមួយរយៈពេលនេះ តារាប្រុសរូបនេះហាក់ដូចជាមិនសូវមានភាពសប្បាយរីករាយប៉ុន្មាននោះទេ ស្របពេលដែលអ្នកម្តាយជាទីស្រលាញ់ បានធ្លាក់ខ្លួនឈឺចូលមន្ទីរពេទ្យវះកាត់ ក្រោមស្ថានភាពហាក់ដូចជាធូរស្បើយហើយពេលនេះ ។

ខណៈពេលដែលអ្នកមានគុណសម្រាកព្យាបាល ឃើញថាតារាប្រុសរូបនេះ តែងតែនៅក្បែរ និងមើលថែអ្នកមានគុណគ្រប់ពេល បន្ទាប់ពីឆ្លៀតពីការងារសិល្បៈដ៏មមាញឹករបស់ខ្លួន ដោយបានបង្ហាញការស្រលាញ់អោបថើប ផ្តល់ជាបាច់ផ្កាដល់អ្នកមានគុណភ្លែត។

ទង្វើទាំងនេះហើយបានធ្វើឲ្យហ្វេនៗជាច្រើនពិតជាពេញចិត្តយ៉ាងខ្លាំង​ ដែលលោកបានធ្វើជាកូនល្អ សម្រាប់គ្រួសារ ថែមទាំងជាគំរូដល់អ្នកគាំទ្រផងដែរ៕

សូមទស្សនារូបភាពខាងក្រោមនេះ៖