បះសក់ចុងម៉ោងទៀតហើយ! ត្រឹម២ប្រកួត Mourinho ជួយ Spurs ឡើងមកកៀកចំណាត់ថ្នាក់ Top4 (មានវីដេអូ)

អង់គ្លេស៖ Tottenham Hotspur បានបន្តរកបាន ៣ពិន្ទុក្នុងការប្រកួតសប្ដាហ៍ទី១៤ ក្រោយយកឈ្នះក្រុមភ្ញៀវ AFC Bournemouth ក្នុងលទ្ធផល៣ទល់នឹង២។

Spurs ជាអ្នកបើកការនាំមុខមុន ៣គ្រាប់នៅក្នុងការប្រកួតតាមរយៈគ្រាប់បាល់របស់ Dele Alli ២គ្រាប់នៅនាទីទី២១ និង៥០ ខណៈមួយគ្រាប់ទៀតរកបានដោយខ្សែបម្រើ Moussa Sissoko នៅនាទី៦៩។

យ៉ាងណាមិញ នាំមុខ ៣-០ បានត្រឹមតែ៤នាទី Bournemouth រកបានគ្រាប់បាល់តាមពីក្រោយដោយកីឡាករ Harry Wilson នៅនាទី៧៣ ដោយការទាត់បាល់ពិន័យហ្វ្រីឃីគយ៉ាងល្អ មុននឹងគេបន្តរកបានមួយគ្រាប់ទៀតនៅក្នុងម៉ោងបន្ថែមវគ្គទី២។

នេះគឺជាជ័យជម្នះលើកទី២ហើយសម្រាប់លោក Jose Mourinho សម្រាប់ការដឹកនាំ Spurs ក្នុងក្របខណ្ឌ Premier League ដោយកាលពីសប្ដាហ៍មុនក្រុមរហស្សនាមមាន់ខ្នាយមាសបានយកឈ្នះ West Ham ២-៣។

គិតមកត្រឹមពេលនេះ Spurs កំពុងឈរនៅលេខ៥ ក្នុងតារាងចំណាត់ថ្នាក់ក្របខណ្ឌ Premier League មាន២០ពិន្ទុ ដោយ១៤ប្រកួត ឈ្នះ៥ ស្មើ៥ និងចាញ់៤៕

សូមទស្សនាវីដេអូ Highlight នៅខាងក្រោម៖