អង់គ្លេស៖ គ្រូបង្វឹកសញ្ជាតិអេស្ប៉ាញលោក Unai Emery ត្រូវបានក្លិបកាំភ្លើងធំ Arsenal បណ្ដេញចេញកាលពីថ្ងៃសុក្រម្សិលមិញនេះ ក្រោយដឹកនាំក្រុមចាប់ផ្ដើមរដូវកាលថ្មីមិនបានល្អ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ម្ចាស់ក្លិប Arsenal លោក Josh Kroenke បានពន្យល់ពីមូលហេតុដែលក្លិបសម្រេចចិត្តបណ្ដេញលោក Unai Emery ចេញគឺដោយសារគ្រូបង្វឹកសញ្ជាតិអេស្ប៉ាញរូបនេះ ដឹកនាំក្រុមមិនស្គាល់ពាក្យថាឈ្នះក្នុងរយៈពេល៧ប្រកួតចុងក្រោយ។
ប្រកួតចុងក្រោយរបស់លោក Emery គឺដឹកនាំក្រុម Arsenal ចាញ់ក្រុម Eintracht Frankfurt ១ទល់នឹង២ នៅកីឡដ្ឋាន Emirate Stadium ក្នុងព្រឹត្តិការណ៍ Europa League កាលពីរាត្រីថ្ងៃព្រហស្បតិ៍កន្លងទៅនេះ។
ម្ចាស់ក្លិប Arsenal លោក Josh Kroenke បានមានប្រសាសន៍ថា៖
"ពួកយើងសូមអរគុណដោយស្មោះទៅដល់លោក Unai និង និងសហសេវិករបស់គាត់ ដែលបានខិតខំប្រឹងប្រែងដើម្បីធ្វើឲ្យក្លិបមួយនេះត្រលប់មកមានការប្រកួតប្រជែងក្នុងកម្រិតមួយដែលពួកយើងរំពឹងទុកនិងត្រូវការ។ ពួកយើងសូមជូនពរដល់លោក Unai និងក្រុមការងាររបស់គាត់ឲ្យជោគជ័យនាពេលអនាគត។"
គួរបញ្ជាក់ផងដែរថាបច្ចុប្បន្នលោក Freddie Ljungberg ដែលជាគ្រូបង្វឹកក្រុមយុវជនអាយុក្រោម២៣ឆ្នាំរបស់ក្រុម Arsenal ត្រូវបានតែងតាំងឲ្យមកដឹកនាំក្រុមឈុតធំជាបណ្ដោះអាសន្នបន្ទាប់ពីលោក Unai Emery៕
ប្រភព៖ express
Bong I.T