ហូឡង់៖ វីរបុរសក្លិបហង្សក្រហម Liverpool លោក Steven Gerrard បានយល់ឃើញថាខ្សែការពារកណ្ដាលសញ្ជាតិហូឡង់កីឡាករ Virgil van Dijk ស័ក្ដិសម ក្នុងការឈ្នះពាន Ballon d’Or ឆ្នាំ២០១៩ ជាងកីឡាករឆ្នើម Lionel Messi។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោក Steven Gerrard បច្ចុប្បន្នជាគ្រូបង្វឹកក្រុម Rangers ដែលជាក្រុមធំមួយនៅលីគកំពូលប្រទេសស្កុតឡេន។
អំឡុងពេលសន្និសីទកាសែតក្រោយក្រុម Rangers ប្រកួតស្មើ ២-២ទល់នឹងក្រុម Feyenood ក្នុងក្របខណ្ឌ Europa League កាលពីម្សិលមិញ អ្នកកាសែតបានសួរទៅកាន់លោក Steven Gerrard ថា “Van Dijk ស័ក្ដិសមឈ្នះពាន Ballon d’Or ដែរឬទេ?” លោក Gerrard បានឆ្លើយតបថា៖
"មែនហើយ ១០០ ភាគរយ។ ជាក់ស្ដែងខ្ញុំជាអ្នកគាំទ្រលេខ១របស់ Messi ។ខ្ញុំស្រលាញ់កីឡាកររូបនេះ ទាំងរបៀបនៃការស៊ុតនិង Assists ពេលដែលគាត់ប្រកួត។ ប៉ុន្តែប្រសិនបើអ្នកនិយាយពីកីឡាករដែលបង្ហាញទម្រង់លេងល្អពេញមួយឆ្នាំ បង្កកំហុសតិចរាល់ការប្រកួត ហើយអាចជួយក្រុមឈ្នះពានរង្វាន់ទ្វីបអឺរ៉ុប មានន័យថាកីឡាកររូបនោះស័ក្ដិសមនឹងឈ្នះពាន Ballon d’Or។"
គួររម្លឹកផងដែរថាការប្រកាសលទ្ធផលអ្នកឈ្នះពានរង្វាន់ Ballon d'Or ឆ្នាំ២០១៩ នឹងធ្វើឡើងនៅទីក្រុងប៉ារីស ថ្ងៃទី២ខែធ្នូខាងមុខនេះ៕
ប្រភព៖ foxsports
Bong I.T