ខ្សែបម្រើ Roma ម្នាក់បានរងរបួសបែកក្បាល ដោយសារការគប់កាក់របស់អ្នកគាំទ្រ កាលពីយប់មិញ (មានវីដេអូស្ដែងៗ)

តួកគី៖ ខ្សែបម្រើរបស់ Roma កីឡាករ Lorenzo Pellegrini បានរងរបួសបែកក្បាលដោយសារត្រូវបានអ្នកគាំទ្ររបស់ក្រុម Istanbul Basaksehir គប់កាក់មកលើរូបគេ អំឡុងការប្រកួតរវាង Roma និង Istanbul Basaksehir ក្នុងពានរង្វាន់ Europa League។

Pellegrini បានហូរឈាម បន្ទាប់ពីកំពុងរង់ចាំទាត់បាល់ចេញពីជ្រុង ក៏ត្រូវអ្នកគាំទ្ររបស់ក្រុមម្ចាស់ផ្ទះគប់កាក់មកចំក្បាល ដោយមិនដឹងថាមកពីមូលហេតុអ្វីនោះទេ។ ភ្លាមៗនោះខ្សែបម្រើរូបនេះត្រូវបានគ្រូពេទ្យពិនិត្យ និងរុំរបួសដើម្បីបន្តការប្រកួតបានបន្តិច មុននឹងផ្លាស់ត្រូវផ្លាស់ប្ដូរចេញ ដើម្បីរក្សាស្ថានភាពនៅលើទីលាន។

គួរឲ្យដឹងដែរថា លទ្ធផលបញ្ចប់ការប្រកួត ៩០នាទី ក្រុមភ្ញៀវ Roma រកបាន ៣ពិន្ទុបន្ទាប់ពីយកឈ្នះម្ចាស់ផ្ទះ Istanbul Basaksehir ដោយលទ្ធផល ០ទល់នឹង៣៕

ចង់ឃើញថា Pellegrini ត្រូវគេគប់យ៉ាងណានោះ ទៅទស្សនាវីដេអូខាងក្រោមទាំងអស់គ្នា៖

ប្រភព៖ DailyMail