ចុងឆ្នាំ២០១៩! ឆន សុវណ្ណរាជ កំពុងជួបទុក្ខធំ ម្តាយជាទីស្រលាញ់ ធ្លាក់ខ្លួនឈឺ ចូលមន្ទីរពេទ្យវះកាត់!

ភ្នំពេញ៖ មួយរយៈពេលនេះឃើញថាតារាចម្រៀងប្រុសដ៏មានប្រជាប្រិយភាព លោកឆន សុវណ្ណារាជ មានភាពមមាញឹកខ្លាំងមិនធម្មតានៅក្នុងការងារសិល្បៈ ស្របពេលដែលបទចម្រៀងជាច្រើនរបស់លោក កាន់តែទទួលបានការគាំទ្រកាន់តែខ្លាំងឡើងពីមួយថ្ងៃទៅមួយថ្ងៃ។

ក៏ប៉ុន្តែនៅពេលនេះលោកកំពុងតែជួបទុក្ខជាទម្ងន់ ក្រោយអ្នកម្តាយជាទីស្រលាញ់ កំពុងតែធ្លាក់ខ្លួនឈឺជាទម្ងន់ ត្រូវចូលមន្ទីរពេទ្យព្យាបាលភ្លាមៗដោយក្តីបារម្ភយ៉ាងខ្លាំង ខណៈពេលដែលត្រូវចូលបន្ទប់វះកាត់ដើម្បីឲ្យជំងឺបានធូរស្បើយ។

តែពេលនេះការវះកាត់ក៏បានជោគជ័យហើយ ស្របពេលដែលបណ្តាអ្នកគាំទ្រជាច្រើនមានការព្រួយបារម្ភយ៉ាងខ្លាំង ជាពិសេសនោះគឺតារាប្រុសរូបនេះ ក៏បារម្ភព្រះរស់មិនស្ទើរដែល ដោយត្រូវនៅមើលថែអ្នកម្តាយ មិនបានចេញទៅសម្តែងអស់ពេលប៉ុន្មានថ្ងៃមកនេះ។

ជាមួយគ្នានេះដែរ បណ្តាអ្នកគាំទ្រជាច្រើន ពិតជាសរសើរដល់លោកដែលជាកូនប្រុសម្នាក់ដែលល្អបែបនេះ នៅចាំមើលថែ​ និងបារម្ភពីអ្នកមានគុណខ្លាំងពេលលោកមានបញ្ហា៕

សូមទស្សនារូបភាពខាងក្រោម៖