សៀមរាប៖ កាលពីម្សិលមិញ ជាថ្ងៃខួបគម្រប់១ឆ្នាំនៃ «ល្ខោនខោល» បានចូលក្នុង បញ្ជីបេតិកភណ្ឌវប្បធម៌អរូបី មនុស្សជាតិ ទើបក្រសួងវប្បធម៌ និងវិចិត្រសិល្បៈ រួមទាំងស្ថាប័នពាក់ព័ន្ធមួយចំនួន បានប្រារព្ធពិធីអបអរសាទរ ដោយមានការសម្ដែង «ល្ខោនខោល» ពីសំណាក់សិល្បករចំនួន២៨០នាក់ខ្នាតធំ នៅទីលានជល់ដំរី លើទឹកដីសៀមរាបឯណោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទន្ទឹមនឹងនេះដែរ កាលពីល្ងាចម្សិលមិញនេះ គេឃើញមានវត្តមាន របស់សិល្បករជាច្រើន បានតុបតែងខ្លួន ក្នុងសម្លៀកបំពាក់ចងក្បិនសមសួន បញ្ចេញសមត្ថភាពពិសេស រៀងខ្លួនៗលើឆាក ដែលមានការរៀបចំយ៉ាងអស្ចារ្យ រំលេចដោយភ្លើងពណ៌ គួរឲ្យទាក់ទាញខ្លាំងណាស់។
លើសពីនេះ តាមរយៈរូបថតជាច្រើនសន្លឹក ដែលបានបង្ហោះក្នុងបណ្ដាញសង្គម មើលទៅពិធីគម្រប់ខួប ១ឆ្នាំនៃ «ល្ខោនខោល» បានចូលក្នុង បញ្ជីបេតិកភណ្ឌវប្បធម៌អរូបី មនុស្សជាតិ នេះពិតជាប្រព្រឹត្តទៅយ៉ាងឱឡារិក ព្រមទាំងបានទាក់ទាញទស្សនិកជនទាំងជាតិ និងអន្ដរជាតិ ឲ្យចាប់អារម្មណ៍ និងយល់កាន់តែច្បាស់ពី សិល្បៈខ្មែរបង្ហាញពី អរិយធម៌ដ៏ត្រចះត្រចង់បែបនេះ៕
ចង់ជ្រាបច្បាស់ ទស្សនារូបភាពខាងក្រោម៖