ម៉ាឡេស៊ី៖ បុរសម្នាក់ នៅឯទីក្រុងគូឡាឡាំពួ ប្រទេសម៉ាឡេស៊ី បានតែងខ្លួនជាមនុស្សពីងពាង ដើម្បីរកប្រាក់បង់ថ្លៃ ការព្យាបាលប្រពន្ធពិការ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រភពបានឲ្យដឹងថា បុរសរូបនោះមានឈ្មោះថា Ahmad Shakirin អាយុ៥០ឆ្នាំ និងប្រពន្ធរបស់គាត់មានឈ្មោះថា Nur Aznita អាយុ៣៧ឆ្នាំ។ គាត់បានចាប់ផ្ដើមតុបតែងខ្លួនជាមនុស្សពីងពាង អស់រយៈពេល១ឆ្នាំមកហើយ។
លោក Ahmad Shakirin បាននិយាយថា៖
ប្រភពបានបន្ដថា លោក Ahmad Shakirin បានចំណាយប្រាក់ទិញឈុតមនុស្សពីងពាង តាមរយៈហាងអនឡាញក្នុងតម្លៃ ១៨០រីងហ្គីត (ប្រមាណ៤៣ដុល្លារអាមេរិក)។ ប្រាក់ដែលគាត់បានចំណាយទៅលើឈុត គឺជាប្រាក់ដែលគាត់អាចរកបានពីការលក់រូបគំនូរ។ ជារៀងរាល់ថ្ងៃ គាត់តែងតែស្លៀកឈុតមនុស្សពីងពាងនៅទីសាធារណៈ ថតរូបជាមួយក្មេងៗ ដើម្បីបានប្រាក់បន្ដិចបន្ដួច សន្សំសម្រាប់បង់ថ្លៃព្យាបាលប្រពន្ធ។
យ៉ាងណាមិញ ក្រោយពីដឹងរឿងរ៉ាវរបស់ប្ដីប្រពន្ធមួយគូខាងលើនេះរួចមក ម្ចាស់ផ្ទះជួលមានក្ដីអាណិតអាសូរ ក៏បានបញ្ចុះតម្លៃថ្លៃឈ្នួលឲ្យផងដែរ។ ចំណែក ប្រពន្ធរបស់លោក Ahmad Shakirin កំពុងមានគម្រោងនឹងធ្វើអាហារលក់ បន្ទាប់ពីបានធូរស្បើយជាងនេះសិន៕
តើប្រិយមិត្តអ្នកអានយល់ឃើញយ៉ាងណាដែរ?
សូមទស្សនារូបភាពខាងក្រោម៖