មើលរូបស្អាតត្រជាក់ភ្នែក របស់សួស វីហ្សា និងថមមី ក្នុងថ្ងៃចូលរោងការល្ងាចនេះ

ភ្នំពេញ៖ នៅក្នុងថ្ងៃនេះ តារាចម្រៀង អ្នកនាង សួស វីហ្សា បានចូលរោងរៀបការជាមួយនឹងអនាគតស្វាមីរបស់នាងហើយ គឺលោក ថមមី ក្រោយស្រលាញ់គ្នា មើលចិត្តថ្លើមគ្នា អស់រយៈពេលច្រើនឆ្នាំមកហើយ។

ជាក់ស្តែងមុននេះបន្តិច សាមីខ្លួនទាំងពីរ រួមទាំង អ្នកនាង សួស វីហ្សា​និង លោក ថមមី បានបង្ហោះនូវរូបភាព ក្នុងឈុតប្រពៃណី យ៉ាងស្រស់ស្អាត ស្រស់សង្ហា និងជាមួយនឹងទិដ្ឋភាពជាច្រើន នៅក្នុងពិធីសូត្រមន្តចូលរោងជ័យថ្ងៃនេះ។

ជាពិសេស បើមើលមុខមាត់របស់តារាស្រីរូបនេះ  បានបង្ហាញឲ្យឃើញថា មានភាពសប្បាយរីរករាយ មានសុភមង្គល ដែលបានរៀបការជាមួយនឹងមនុស្សដែលនាងស្រលាញ់ ព្រោះថាទម្រាំនាងសម្រេចចិត្ត ដើរដល់ចំនុច នាង បានសិក្សា ស្វែងយល់ ពីស្វាមីគ្រប់យ៉ាងអស់រួចទៅហើយ។

យ៉ាងណាមិញ ក៏មានហ្វេនជាច្រើន បានសម្តែងការអបអរ និងជូនពរ ទៅដល់ គូស្វាមីភរិយា ថ្មីថ្មោងមួយនេះ ឲ្យមានសុភមង្គល ជួបតែរឿងល្អ ចាប់ពីថ្ងៃនេះតទៅ៕

សូមទស្សនារូបភាពខាងក្រោមនេះ៖