គួរឲ្យសរសើរ! ទោះដើរមិនរួចក៏លោក ទិត្យ ថាវរិទ្ធ ស្កាត់មករៀបចំកម្មវិធីគម្រប់១ឆ្នាំនៃ «ល្ខោនខោល» ដល់សៀមរាប យ៉ាងទទួលខុសត្រូវ!

ភ្នំពេញ៖ យោងតាមការបង្ហោះរបស់តារាសម្តែងស្រី នៅ សូនីតា កាលពីមួយរយៈមុននេះ បានឲ្យដឹងថា ស្វាមីជាទីស្រលាញ់របស់នាង ដែលគ្រប់គ្នាស្គាល់ថាជា អនុរដ្ឋលេខាធិកាក្រសួងវប្បធម៌ និងវិចិត្រសិល្បៈ លោក ទិត្យ ថាវរិទ្ធ បានជួបនឹងទុក្ខធំ ដែលលោកត្រូវអង្គុយលើរទេះរុញមិនអាចដើរបានមួយរយៈពេលធំ ដោយសារតែជំងឺរលាកសាច់ដុំក្បាលជង្គង់។

ប៉ុន្តែទោះជាយ៉ាងណាក៏ដោយ ខណៈពេលជំងឺនៅមិនទាន់ជាផង ស្រាប់តែម្សិលមិញនេះ គេបានប្រទះឃើញលោក ទិត្យ ថាវរិទ្ធ បានធ្វើដំណើរមកដល់ទឹកដីសៀមរាបអង្គរ ដើម្បីមើលការខុសត្រូវនិងរៀបចំព្រឹត្តិការណ៍គម្រប់ខួប១ឆ្នាំអបអរ «ល្ខោនខោល» បានចូលក្នុងបញ្ជីបេតិកភណ្ឌវប្បធម៌អរូបីយ មនុស្សជាតិ ទាំងដែលជើងលោកនៅមិនទាន់អាចដើររួចផង។

យ៉ាងណាមិញ ទង្វើដ៏ទទួលខុសត្រូវនៅក្នុងការងារ របស់លោក ទិត្យ ថាវរិទ្ធ បានធ្វើឲ្យមហាជន ក៏ដូចជាសិល្បករខ្មែរ មានការគោរពកោតសរសើរចំពោះលោកជាខ្លាំងផងដែរ។

គួររំឮកផងដែរថា ព្រឹត្តិការណ៍គម្រប់ខួប១ឆ្នាំអបអរ «ល្ខោនខោល» បានចូលក្នុងបញ្ជីបេតិកភណ្ឌវប្បធម៌អរូបីយ មនុស្សជាតិនេះ នឹងប្រព្រឹត្តធ្វើឡើងយ៉ាងឱឡារិក នៅរាត្រីថ្ងៃទី២៨ ខែវិច្ឆិកានេះ ក្រោមវត្តមានថ្នាក់ដឹកនាំគ្រប់ជាន់ថ្នាក់ ក៏ដូចជាប្រជាពលរដ្ឋខ្មែរចូលរួមអបអរយ៉ាងអធិកធមផងដែរ?