ក្រោយឈ្នះ ៥-០ យប់មិញ ក្រុម U-22 កម្ពុជា អបអរថ្ងៃកំណើតរបស់ អ៊ុំ វិចិត្រ យ៉ាងរំភើប! (មានវីដេអូ)

ហ្វីលីពីន៖ ក្រោយបញ្ចប់ការប្រកួតដែលក្រុម U-22 កម្ពុជា យកឈ្នះ U-22 ទីម័រខាងកើត ៥-០ កាលពីយប់មិញ ក្រុមការងារគ្រូបង្វឹក និងកីឡាកររបស់កម្ពុជា បានប្រារព្ធពិធីអបអរថ្ងៃកំណើតរបស់អ្នកចាំទី អ៊ុំ វិចិត្រ យ៉ាងរំភើប។

កើតនៅទីក្រុងភ្នំពេញ នៅថ្ងៃទី២៧ ខែវិច្ឆិកា ឆ្នាំ១៩៩៣ អ៊ុំ វិចិត្រ មានវ័យ ២៦ឆ្នាំហើយ។ ចាប់ផ្ដើមលេងបាល់ដំបូងជាមួយក្លិបក្រសួងការពារជាតិក្នុងឆ្នាំ២០០៨ អ្នកចាំទីមុខស្រស់រូបនេះ បានជាប់ជម្រើសជាតិកម្ពុជាអាយុក្រោម១៩ឆ្នាំ, អាយុក្រោម២៣ឆ្នាំ និងឈុតធំ ជាមួយគ្នាតែម្ដងនៅឆ្នាំ២០១១ ដែលពេលនោះក្រោមការដឹកនាំរបស់លោក Lee Tae-hoon។

ក្រៅពីតួនាទីជាកីឡាករនៅក្លិបក្រសួងការពារជាតិ និងក្រុមជម្រើសជាតិឈុតធំ បងប្រុសបង្កើតរបស់ អ៊ុំ សេរីរ័ត្ន រូបនេះក៏ទើបតែទទួលបានឱកាសធ្វើជាគ្រូអ្នកចាំទីក្នុងក្រុមជម្រើសជាតិកម្ពុជា U-22 ចេញទៅស៊ីហ្គេមនៅឆ្នាំផងដែរ៕

ក្នុងឱកាសថ្ងៃកំណើតរបស់ អ៊ុំ វិចិត្រ តើប្រិយមិត្តមានពាក្យពេចន៍អ្វីជូនពរដល់គាត់ទេ?

ចង់ជ្រាបកាន់តែច្បាស់ សូមទស្សនាវីដេអូខាងក្រោម៖