ផ្តាសាយបង្កដោយវីរុសជាច្រើនប្រភេទ ឆ្លងតាមរយៈខ្យល់ដង្ហើម ដំណក់ទឹកមាត់តូចៗ មនុស្សធំកើតផ្តាសាយឆាប់ជាជាងកូនក្មេង គឺលឿនបំផុតជាសះស្បើយអំឡុងពី ២-៣ ថ្ងៃ ឬយ៉ាងយូរ ៧-១០ថ្ងៃ។ ចំពោះស្ត្រីមានផ្ទៃពោះវិញ បើកើតផ្តាសាយហើយ ពិបាកបន្តិចដោយសារតែមានប្រព័ន្ធការពារខ្សោយ ហើយបើបណ្តោយទុកយូរអាចប៉ះពាល់ដល់កូនក្នុងផ្ទៃ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សស្ត្រីមានផ្ទៃពោះកើតផ្តាសាយកម្រិតស្រាល បើមិនចង់លេបថ្នាំ ខ្លាចប៉ះពាល់ដល់កូន អាចធ្វើតាមវិធីងាយៗប៉ុន្មានចំណុចខាងក្រោមនេះបាន។
វិធីងាយៗបំបាត់ផ្តាសាយ៖
– ឆ្ពុងនឹងចំហាយទឹកក្តៅ
– ញ៉ាំទឹកក្តៅឧណ្ហៗ
– សម្រាកឲ្យបានគ្រប់គ្រាន់
– ញ៉ាំទឹកឲ្យបានច្រើន
– ញ៉ាំទឹកឃ្មុំលាយជាមួយក្រូចឆ្មារ
– ញ៉ាំតែខ្ញី
– ញ៉ាំអាហារឲ្យបានគ្រប់គ្រាន់ ពិសេសស៊ុបក្តៅៗ។
ផ្ទុយទៅវិញ បើសិនជាស្ត្រីមានផ្ទៃពោះមានជំងឺផ្តាសាយធ្ងន់ធ្ងរ បង្កឡើងដោយសារវីរុស កុំលេបថ្នាំផ្តេសផ្តាសឲ្យសោះ ព្រោះអាចប៉ះពាល់ដល់ទារកក្នុងផ្ទៃ ត្រូវពិគ្រោះជាមួយគ្រូពេទ្យមុននឹងប្រើថ្នាំអ្វីមួយ។
ដើម្បីកាត់បន្ថយការកើតផ្តាសាយពេលពពោះ អាចប៉ះពាល់ដល់កូន អង្គការសុខភាពពិភពលោក (WHO) បានណែនាំឲ្យស្រីៗមានផ្ទៃពោះចាក់វ៉ាក់សាំងផ្តាសាយទោះក្នុងត្រីមាសណាដោយ។ ម្តាយដែលចាក់វ៉ាក់សាំងការពារជំងឺផ្តាសាយ ថែមទាំងអាចបង្ការកូនពីជំងឺគ្រុនផ្តាសាយនៅប៉ុន្មានខែដំបូងនៃជីវិតរបស់ពួកគេ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T