រៀតណាម៖ នៅក្នុងឆ្នាំនេះ កម្មវិធីប្រគល់ពានរង្វាន់ធំមួយរបស់ប្រទេសកូរ៉េ « 2019 Asia Artist Awards » ហៅកាត់ថា «AAA 2019» បានប្រារព្ធធ្វើឡើងនៅឯប្រទេសវៀតណាមជាលើកដំបូង និងមានវត្តមានចូលរួមពីតារាKpopជាច្រើនដួងដូចជា តារាចម្រៀងស្រី Yoona ក្រុម Red Velvet ក្រុម Twice ក្រុម GOT7 ក្រុម G-Idle Kang Daniel និងក្រុមល្បីៗក៏ដូចជាតារាសម្តែងប្រុសស្រីជាច្រើនដួងផ្សេងទៀតផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក នៅក្នុងនោះគេសង្កេតឃើញថា ដំណើរការនៃការកម្មវិធីប្រព្រឹត្តទៅហាក់បីដូចជា មិនសូវជាមានភាពរលូនល្អប៉ុន្មាននោះទេ ជាពិសេសគឺពេលធ្វើការLiveបន្តផ្ទាល់នៅលើ Online តែម្តង បានធ្វើឲ្យបណ្តាអ្នកគាំទ្រអន្តរជាតិ មានការខឹងសម្បារជាខ្លាំង ដោយសារតែបច្ចេកទេសមានការរអាក់រអួល វីដេអូផ្សាយចេញទៅគឺមានគុណភាពអន់ ព្រាលមើលមិនច្បាស់តែម្តង។
យ៉ាងណាមិញ ការLivestream បន្តផ្ទាល់ពីប្រទេសវៀតណាមរបស់កម្មវិធី «AAA 2019» នៅក្នុងឆ្នាំនេះ បានក្លាយទៅជាប្រធានបទក្តៅនៅលើបណ្តាញសង្គម ធ្វើឲ្យហ្វេនរាប់ម៉ឺននាក់ មានការខកចិត្តមិនស្ទើរនោះទេ ពីព្រោះពួកគេម្នាក់ៗសុទ្ធសឹងតែអង្គុយរាប់ម៉ោងរង់ចាំទស្សនាកម្មវិធីដ៏អស្ចារ្យមួយនេះ ជាពិសេសគឺរង់ចាំមើល Idol របស់ពួកគេតែម្តង ប៉ុន្តែមិននឹកស្មានថាវីដេអូផ្សាយចេញមក មានគុណភាពអន់ដល់ថ្នាក់នេះ សូម្បីតែមើលមុខតារាក៏មិនចង់ឃើញផង៕