ឥណ្ឌូណេស៊ី៖ ក្រុមមន្រ្តីនៅក្នុងទីក្រុងមួយនៃប្រទេសឥណ្ឌូនេស៊ី បានផ្តួចផ្តើមផែនការ ដើម្បីកាត់បន្ថយក្មេងៗពីការលេងទូរស័ព្ទដៃ តាមរយៈការផ្តល់ឱ្យពួកគេនូវកូនមាន់ម្នាក់មួយក្បាលទុកសម្រាប់ចិញ្ចឹម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្មានសប្តាហ៍ខាងមុខទៀត កូនមាន់អាយុ៤ថ្ងៃប្រមាណ ២,០០០ក្បាលនឹងត្រូវប្រគល់ទៅឱ្យសិស្សនៅបឋមសិក្សា និងអនុវិទ្យាល័យ ស្ថិតនៅរដ្ឋធានីបានដុង ក្នុងគោលបំណងដើម្បីបង្វែរកុមារចេញពីការលេងទូរស័ព្ទដៃ។
សិស្សត្រូវតែដាក់ចំណីកូនមាន់របស់ពួកគេមុនទៅ និងក្រោយពេលចេញពីសាលារៀន ហើយអាចទុកវានៅផ្ទះ ឬនៅបរិវេណសាលាក៏បាន បើសិនពួកគេមិនមានកន្លែងទំនេរនៅទីធ្លាក្រោយផ្ទះ។
នៅក្នុងពិធីគេបានដាក់កូនមាន់ក្នុងទ្រុងរាប់ពាន់ក្បាលសម្រាប់ចែកឲ្យកូនសិស្ស ដោយមានភ្ជាប់អក្សរនឹងទ្រុងដោយសរសេរថា "សូមថែរក្សាខ្ញុំឱ្យបានល្អ" ។
គម្រោងនេះមិនមែនគ្រាន់តែដើម្បីកាត់បន្ថយទម្លាប់នៃការលេងទូរស័ព្ទរបស់កុមារប៉ុណ្ណោះទេ តែវាក៏ជាផ្នែកមួយនៃផែនការជាតិដើម្បីពង្រីកការអប់រំសិស្សដែលត្រូវបានដាក់ចេញដោយប្រធានាធិបតី Joko Widodo ៕