សួស វីហ្សា និងអនាគតស្វាមី ធ្វើវីដេអូចម្រៀងរៀបរាប់ពី ប្រវត្តិស្នេហាពិតមានគ្រប់រសជាតិ រយៈពេល៦ឆ្នាំមកនេះ (មានវីដេអូ)

ភ្នំពេញ ៖ មួយរយៈចុងក្រោយមកនេះ​ សួស វីហ្សា ដែលជាតារាចម្រៀងស្រី ដ៏ពេញនិយម ហាក់ដួចជា មានជីវិតជោគជ័យ និងឡូយឆាយខ្លាំងណាស់។

ជាមួយគ្នានេះដែរ បើងាកមើល ជីវិតស្នេហារបស់ តារាស្រីរូបនេះ ជាមួយនឹង គូដណ្ដឹងដ៏សង្ហាលោកថមមី កាន់តែមានភាពស្អិតរមួត ពីមួយថ្ងៃទៅមួយថ្ងៃ ព្រមទាំងតែងតែបង្អួតពី ភាពផ្អែមល្ហែមឲ្យហ្វេនៗឃើញហើយ ប្រាថ្នាចង់បានស្នេហាដូចពួកគេ ទាំងពីរទៀតផង។

ទន្ទឹមនឹងថ្ងៃចូលរោងជ័យ កាន់តែកៀកខិតចូលមកដល់ សួស វីហ្សា​ និងអនាគតស្វាមី បានបង្កភាពភ្ញាក់ផ្អើលជាថ្មី តាមរយៈវីដេអូចម្រៀងមួយ អមដោយកាយវិការស្និទ្ធស្នាល មើលទៅរ៉ូមែនទិកណាស់។

ជាពិសេស បទចម្រៀងមួយបទនោះ មានចំណងជើងថា « បេះដូង» ដែលជាសាច់រឿងរៀបរាប់ពីប្រវត្តិស្នេហាពិតៗ របស់ពួកគេ ថែមទាំងបង្ហាញពី ឧបសគ្គជាច្រើនក្នុងជីវិតគូ ទម្រាំតែបានដូចសព្វថ្ងៃនេះ។

គួរបញ្ជាក់ថា សួស វីហ្សា និងអនាគតស្វាមី បានទាក់ទងយល់ចិត្តថ្លើមគ្នា អស់រយៈពេល ៦ឆ្នាំមកហើយ ដោយគ្រោងនឹងចូលរោងអាពាហ៍ពិពាហ៍នៅថ្ងៃទី ២៩ខែវិច្ឆិកា ឆាប់ៗខាងមុខនេះហើយ៕

ចង់ជ្រាបច្បាស់ ទស្សនាវីដេអូខាងក្រោម៖