ស្មានតែតារាអឺរ៉ុប! Ploy លេងស្ទាយ៍សក់ថ្មី មើល​លែង​ ចង់ស្គាល់!

ថៃ៖ តារាសម្តែងស្រីចាស់វស្សានាង​ Ploy Chermarn បានធ្វើឲ្យបណ្តាអ្នកគាំទ្រមានការភ្ញាក់ផ្អើល និងសរសើរមិនដាច់ពីមាត់ ពីរូបសម្រស់ដ៏ស្រស់ស្អាតរបស់នាង​ ក្រោយពេលដែលតារាស្រីវ័យ៣៧ឆ្នាំរូបនេះ បានផ្លាស់ប្តូរស្ទាយ៍ និងពណ៌សក់ថ្មី។

ដោយ Ploy បានពីសក់ពណ៌សូកូឡាក្រម៉ៅ ទៅជាពណ៌មាសភ្លឺ ដែលធ្វើឲ្យនាងកាន់តែស្អាត និងមើលទៅប្លែកភ្នែក ព្រោះនាងមិនធ្លាប់លាបសក់ពណ៍ចាំងខ្លាំងបែបនេះ ពីមុនមកនោះទេ។

ម្យ៉ាងវិញទៀត Ploy មើលទៅដូចជានារីអឺរ៉ុបខ្លាំងណាស់នៅពេលធ្វើស្ទាយ៍សក់បែបនេះ ជាពិសេសស្បែកខ្មៅស្រអែមរបស់នាង និងការលេងទឹកមុខបែបកាចៗនៅពេលថតរូប មើលទៅកាន់តែដូចនារីលោកខាងលិចតែម្តង។

ជាមួយគ្នានេះផងដែរ មានអ្នកគាំទ្រមួយចំនួនបានបង្ហាញពីអារម្មណ៍រីករាយ និងនិយាយដូចគ្នាថា Ploy ដែលជាតារាស្រីស៊ិចស៊ីពីមុនត្រឡប់មកវិញហើយ ក្រោយពេលស្ងាត់មុខមួយរយៈធំពីវិស័យសិល្បៈ៕ 

ចង់ជ្រាប់ច្បាស់ ទស្សនារូបភាពខាងក្រោម៖