កូរ៉េខាងត្បូង៖ កាលពីថ្មីៗនេះ អតីតមេក្រុម 2NE1 នាង CL បានធ្វើការសម្រេចចិត្តយ៉ាងត្រឹមត្រូវបំផុត ដោយរូបនាងបានបញ្ចប់កុងត្រាជាមួយផលិតកម្ម YG Entertainment ហើយមកធ្វើជាតារាចម្រៀងឯករាជ្យវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក ស្រាប់តែកាលពីម្សិលមិញនេះវិញ មានព័ត៌មានដ៏គួរឲ្យភ្ញាក់ផ្អើលមួយ បានចុះផ្សាយថា នាង CL ត្រូវចេញបទចម្រៀងកាលពីថ្ងៃទី២៥ ខែវិច្ឆិកានេះហើយ ដើម្បីពញ្ញាក់អ្នកគាំទ្រខ្លួន ក្រោយចេញពី YG ក៏ប៉ុន្តែនាងបែរជាត្រូវពន្យាពេលទៅវិញ ដោយសារតែកាន់ទុក្ខការស្លាប់របស់អតីតសមាជិក Kara នាង Goo Hara។
ទោះជាយ៉ាងណាក្តី ទាំងនេះពិតជាធ្វើឲ្យអ្នកគាំទ្ររំភើបចិត្តមែនទែន ព្រោះមិននឹកស្មានថា ទើបតែដើរចេញពីផលិតកម្ម YG មិនដល់១ខែផង នាង CL ឆាប់ចេញចម្រៀងទាន់ក្តៅៗ មិនឲ្យអ្នកគាំទ្ររបស់ខ្លួនខកបំណងជាមួយការរង់ចាំដូចកាលពីមុននោះទេ។ ក៏ប៉ុន្តែបើទោះជាបែបនេះ ក៏នាង CL ត្រូវតែពន្យាពេលចេញចម្រៀង ដើម្បីកាន់ទុក្ខដល់មិត្តរួមជំនាន់សិល្បៈជាមួយគ្នាផងដែរ៕
តើប្រិយមិត្តយល់យ៉ាងណាដែរ?