រ៉ូម៉ានី៖ នាវាដឹកសត្វចិញ្ចឹមដែលផលិតក្នុងឆ្នាំ១៩៨០បានក្រឡាប់លិចនៅតំបន់ឆ្នេរសមុទ្រនៃប្រទេសរ៉ូម៉ានី​ ដោយមានសត្វចៀមច្រើនជាង ១៤ ០០០ក្បាលនៅលើនោះ។ នាវាដឹកសត្វចិញ្ចឹមនេះត្រូវបានគេរាយការណ៍មកថាបានក្រឡាប់លិចនៅតំបន់កំពង់ផែ Midia ជិតទីក្រុង Constanța កាលពីព្រឹកថ្ងៃអាទិត្យម្សិលមិញ។

ក្រុមជួយសង្គ្រោះកំពុងជួយសត្វដែលនៅមានជីវិត
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នាវិកទាំង២២នាក់នៅលើនាវាត្រូវបានជួយសង្គ្រោះ និងមានអ្នកធ្វើដំណើរតាមសមុទ្រម្នាក់ត្រូវបានបញ្ជូនទៅកាន់មន្ទីរពេទ្យដោយមានអាការមិនស្រួលខ្លួន (ខ្វះកម្តៅ)។ នាវា Queen Hind ត្រូវបានគ្រប់គ្រងដោយក្រុមហ៊ុន Astra Marine Services និងគ្រប់គ្រងដោយក្រុមហ៊ុន MGM Marine Shipping ដែលសុទ្ធតែជាក្រុមហ៊ុនរ៉ូម៉ានីទាំងពីរ។

នាវា Queen Hind កំពុងតែលិច

ក្រោមកិច្ចប្រតិបត្ដិការជាមួយឆ្មាំសមុទ្រ ប៉ូលិសនិងអ្នកពន្លត់អគ្គីភ័យបានខិតខំប្រឹងប្រែងជួយសង្គ្រោះចៀមដែលបានជាប់នៅលើនាវានោះ។​ ចៀមប្រហែល ៣២ក្បាលត្រូវបានគេជួយសង្គ្រោះនៅពេលគេប្រទះឃើញពួកវាកំពុងហែលទឹកសមុទ្រ ខណៈដែលចៀមភាគច្រើនត្រូវបានគេជឿថាបានលង់ទឹកស្លាប់។  វីដេអូមួយត្រូវបានគេថតបាននៅពេលដែលនាវាកំពុងលិច ចំណែកមូលហេតុនៃការលិចគឺនៅមិនទាន់ដឹងនៅឡើយ៕

សកម្មភាពនាវាកំពុងតែលិចនិងមានចចៀមជាច្រើនកំពុងជាប់នៅលើនោះ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]